Ein eignaspjöll voru tilkynnt til lögreglu um helgina

7.Apríl'08 | 16:52

Lögreglan,

Að vanda hafði lögreglan í ýmsu að snúast í vikunni sem leið og um helgina.  Var eitthvað um slagsmál en engar kærur liggja fyrir.  Þá hélt lögreglan áfram umferðarátaki sem staðið hefur um allt land undanfarnar vikur og voru um 140 bifreiðar stöðvaðar.

Ein eignaspjöll voru tilkynnt til lögreglu um helgina en um er að ræða rúðubrot í verslun Axel Ó þar sem bjórflösku var hent í rúðuna þannig að ytra birgði hennar brotnaði. Grunur leikur á hver þarna er að verki og er málið í rannsókn.

Þann 2. apríl sl.var lögreglu tilkynnt um vinnuslys um borð í Glófaxa VE en slysið átti sér stað þann 1. apríl sl.  Þarna hafði einn skipverjanna runnið í bleytu með þeim afleiðingum að hann handleggsbrotnaði þegar hann setti aðra höndina fyrir sig.

Tveir brunar voru tilkynntir til lögreglu í vikunni sem leið.  Var í öðru tilvikinu um að ræða lausan eld um borð í Blíðu VE þar sem skipið lá við bryggju í smábátahöfninni.  Kveiknað hafði í út frá kabyssu.  Nokkrar skemmdir urðu af völdum sóts.   Í hinu tilvikinu var um að ræða bruna í Sorpu út frá glussatjökkum en glussi mun hafa lekið frá tjökkunum og síðan eldur komist í glussann. Ekki var um mikið tjón að ræða.

Átta ökumenn fengu sekt vegna brota á umferðarlögum og var í 7 tilvikum um að ræða ólöglega lagningu ökutækis.  Í einu tilviki var um að ræða kæru þar sem ökumaður hafði ekki ökuréttindi í lagi.

Eitt umferðaróhapp var tilkynnt lögreglu í vikunni en um var að ræða árekstur á bifreiðastæðinu við Krónuna ( við Lyfju )  en sá sem olli tjóninu ók í burtu án þess að tilkynna um það.  Lögreglan óskar því eftir því að þeir sem einhverjar upplýsingar hafa um hver þarna gæti hafa veirð að verki hafi samband við lögreglu.

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.