Árni Johnsen og 17 aðrir þingmenn vilja kaupa vefmyndavélar fyrir 225 milljónir

5.Apríl'08 | 07:24

arni

Árni Johnsen og 17 aðrir þingmenn úr öllum flokkum nema Vinstri grænum skora á Þorgerði Katrínu Gunnarsdóttur menntamálaráðherra í nýrri þingsályktunartillögu að kaupa vefmyndavélar fyrir á þriðja hundrað milljóna króna og setja þannig upp "Vefmyndasafn Íslands."

Þeir segja að "slíkt netmyndasafn yrði eins konar myndaalbúm landsins, persóna Íslands á líðandi stundu. " Meðal annars yrði hægt "að fylgjast með villtu blómabeði, á í leysingum, varpstöðvum fugla..."

Meiningin er að keyptar verði allt að 150 nettengdar myndavélar til að setja upp á "fegurstu og sérkennilegustu stöðum landsins," eins og segir í þingsályktunartillögunni. Í stuttri greinargerð með henni kemur fram að "á hverri vefstöð gætu verið 2-3 linsur" og að reikna megi með að "hver stöð mundi kosta að meðaltali um 1,5 millj. kr, en auðvelt sé "að virkja vefmyndavélar með sólarrafhlöðum til nokkurra ára."

Samtals yrði kostnaðurinn við uppsetningu 150 véla 225 milljónir króna. Ekki er reiknað með eða gerð grein fyrir kostnaði við viðhald vefmyndavélanna í greinargerðinni.

Skorað er á menntamálaráðherra "að  hefja nú þegar uppsetningu vefmyndasafns. Slíkt nettengt safn yrði það fyrsta sinnar tegundar í heiminum og mundi skapa óþrjótandi möguleika á landkynningu í þágu ferðaþjónustu, sögu, menningar og atvinnulífs. Þannig væri hægt að upplifa Ísland á líðandi stundu hvaðan sem er úr heiminum og kitla taugar til frekari kynna."

Í greinargerðinni segir ennfremur: "Hægt er að setja vélar upp á ólíklegustu stöðum
og tengja þær alþjóðlega tölvunetinu. Slíkt netmyndasafn yrði eins konar myndaalbúm
landsins, persóna Íslands á líðandi stundu."

Eftirtaldir staðir eru taldir koma til greina fyrir netsstöðvar: "Gullfoss, Þingvellir, Geysir, Lónsöræfi, Landmannalaugar, Eldey, Bláa lónið, Vatnajökull, Þjórsá, Þórsmörk, Akureyri, Vestmannaeyjar, Stykkishólmur, Árnastofnun, fiskvinnsluhús, bryggjustemning, hvalaskoðun, Skógafoss. Þetta eru aðeins nokkur dæmi um netstöðvar í netmyndasafni Íslands, andliti Íslands."

Fyrstu flutningsmenn tillögunnar eru, auk Árna Johnsen, þau Ólöf Nordal, Ármann Kr. Ólafsson og Jón Gunnarsson en auk þeirra skrifa undir hana þingmennirnir Lúðvík Bergvinsson, Siv Friðleifsdóttir, Guðni Ágústsson, Kjartan Ólafsson, Guðbjartur Hannesson, Grétar Mar Jónsson, Björk Guðjónsdóttir, Illugi Gunnarsson, Guðfinna S. Bjarnadóttir, Ragnheiður Ríkharðsdóttir, Bjarni Harðarson, Herdís Þórðardóttir, Kristján Þór Júlíusson og Alma Lísa Jóhannsdóttir.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.