Karl Gauti sækir um embætti sýslumannsins í Kópavogi

Í listanum yfir umsækjendur má m.a. finna nafn Karls Gauta Hjaltasonar sýslumanns í Vestmannaeyjum. Karl Gauti var skipaður sýslumaður í Vestmannaeyjum 1998 þegar Georg Lárusson lét af störfum.

Karl Gauti var fulltrúi bæjarfógetans í Keflavík, Grindavík og Njarðvík og sýslum. í Gullbringusýslu 1989-1990 og starfaði um skeið hjá ríkisskattanefnd. Karl Gauti var settur sýslumaður á Hólmavík um skeið sumarið 1996. Hann var fulltrúi sýslum. í Árnessýslu og bæjarfógetans á Selfossi, síðar sýslumannsins á Selfossi 1990-1998 þar til hann var skipaður sýslumaður í Vestmannaeyjum árið 1998. Karl Gauti starfaði sem formaður yfirkjörstjórnar í Suðurlandskjördæmi frá 1998 síðan í hinu nýja Suðurkjördæmi frá 2003. - www.heimaslod.is