Nöfn aflaskipa talin góð nöfn

27.Mars'08 | 12:59

höfn vestmannaeyjahöfn vestmannaeyjar vestmannaeyjabær

Bátanafnahefðin í Eyjum breyttist mjög þegar einokunartímabilinu lauk og erlend áhrif urðu ríkjandi. Á tímabilinu 1940-1950 voru nöfnin mikið til úr goðafræði og Íslendingasögum. Jóhanna Lilja Einarsdóttir, BA-nemi í íslensku við Háskóla Íslands, mun halda fyrirlestur um bátanöfn í Vestmannaeyjum um næstu helgi hjá Nafnfræðifélaginu.

Í fyrirlestrinum mun Jóhanna rekja forsögu útgerðar í Vestmannaeyjum á einokunartímabilinu fram undir 1970. „Í Konungsbók eru fyrstu heimildir um nöfn báta en eyjarskeggjar voru með litla útgerð á þessum tíma. Bátar voru oftast nefndir kristilegum nöfnum og mætti þar nefna Pétur postula, Salómon, Ísak, Fortúnu og Enok," segir Jóhanna. „Árið 1586 voru dönsk nöfn mikið til notuð á bátana en þegar líða tók á tímabilið voru nöfnin oft þýdd yfir á íslensku."

Hjátrú við nafngjöf
Á tímabilinu 1870-1909 voru erlend áhrif ríkjandi. Það var trú sjómannanna að ef bátur fiskaði vel væri nafn hans gott. Bátsnafnið Enok hélt sér út öll tímabilin sem Jóhanna skoðar í fyrirlestrinum. „Síðasta tímabilið í úrtakinu var 1940-1950 en þá fara bátar að heita nöfnum úr goðafræði og Íslendingasögum. Dæmi um þessi nöfn væru Gissur hvíti, Þorgeir goði, Baldur, Frigg og Freyja. Einn báturinn var nefndur eftir Þuríði formanni, sem fór aðeins ellefu ára til sjós og fékk sérstakt leyfi
frá sýslumanninum á Stokkseyri til að ganga í buxum. Bátur var nefndur eftir henni og var líklega frá Stokkseyri," segir Jóhanna. Hún hefur ekki skoðað tímabilið eftir 1950 en telur að goðanöfnin séu nú að týna tölu. Hún tekur fram að bátar nútímans séu oftast nefndir mannanöfnum.

Fyrirlestur Jóhönnu verður haldinn næstkomandi laugardag á Neshaga 16 kl. 13.15. -

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).