Suðurafrískur lambapottréttur

26.Mars'08 | 11:23
Gómsætur, pottréttur, ættaður frá Suður-Afríku, þar sem sætt og kryddað bragð af kartöflum og framandlegu kryddi blandast skemmtilega saman við bragðið af lambakjötinu.

1 kg súpukjöt
2 laukar
1 milt chili-aldin
3 msk. olía
nýmalaður pipar
salt
1 msk. hrásykur eða púðursykur
250 ml vatn
600-800 g sætar kartöflur
2 rauðar paprikur
2 sm bútur af engifer, rifinn eða saxaður smátt
2 tsk. garam masala

Fituhreinsið kjötið að hluta, skiptið því í minni bita og fjarlægið e.t.v. beinin. Skerið laukinn í bita. Fræhreinsið chili-aldinið og saxið það smátt. Hitið olíuna í potti og látið laukinn krauma í henni við meðalhita í 6-8 mínútur, eða þar til hann er meyr. Hækkið þá hitann, setjið kjötið í pottinn og látið krauma áfram þar til það hefur tekið lit; hrærið öðru hverju á meðan til að snúa kjötinu. Bætið chili-aldininu í pottinn, hrærið pipar, salti og sykri saman við og hellið síðan vatninu yfir. Leggið lok yfir og látið malla við hægan hita í um 1 klst. Flysjið á meðan sætu kartöflurnar og skerið þær í stóra bita. Fræhreinsið paprikurnar og skerið þær í bita. Setjið kartöflu- og paprikubitana í pottinn, ásamt engifer, og látið malla áfram í lokuðum potti í um hálftíma, eða þar til kartöflurnar eru meyrar. Hrærið þá garam masala saman við og berið fram, t.d. með kúskúsi.

www.lambakjot.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.