Nei...nú hringi ég í Jens !

14.Mars'08 | 07:03

Jón Helgi

Núna hef ég ákveðið það að hætta með sjónvarpsstöðina Sýn enda er ég búinn að fá upp í kok af þessu gaurum þarna. Þessi endalausa dýrkun á enska boltanum er með ólíkindum og núna er manni bara nóg boðið. Þegar maður er ekki svona gríðarlegur aðdáandi enska boltans eins og svo margir hérna á landi horfir maður á leiki í meistaradeildinni allt öðruvísi en þessar ensku rassasleikjur þarna á Sýn, stórkostlegir leikmenn í ítalska, franska og spænska boltanum hafa fengið það óþvegið frá vitringunum á Sýn. Ég hugsa að ef Gummi Ben og Heimir Guðjóns væru ekki þarna þá efast ég um að restin af trúðunum þarna vissu hverjir væru núverandi meistarar í deildunum fyrir utan England.

 Ef einhver ætlar að segja mér það að ég sé einungis bara bitur og vansæll vegna gengi ítölsku liðanna þá má hinn sami drulla í buxurnar því það er alls ekki málið hérna. Það er bara eins og ég hef margsinnis sagt að það er orðið óþolandi að hlusta á þessa menn tala um liðin fyrir utan England eins og þau séu bara eitthvað svona uppfyllingarefni í meistaradeildinni. Það er líka ekki eins og þetta sé eitthvað ókeypis að kaupa áskrifta þarna þannig að maður hlýtur að krefjast þess að fá sérfræðinga þarna til að lýsa leikjunum HLUTLAUST ! Ég er bara stundum yfir mig hissa að þeir sem eru stundum að lýsa leikjunum skulu bara ekki vera í treyjum ensku liðanna...þá alla vega vissi maður hverju maður ætti von á þegar leikurinn byrjaði.

Svo voru þeir að dásama enska knattspyrnu fyrir það að núna væru fjögur ensk lið í átta liða úrslitum meistaradeildarinnar svona eins og það væri rosalega einstakt. Ég man eftir því að tímabilið 2002/2003 þá voru þrjú ítölsk lið í undanúrslitum keppninnar -> Juventus, AC Milan og Inter Milan. Margir segja að það ár hafi verið leiðinlegasti úrslitaleikur sögunnar, milli AC Milan og Juventus, vegna þess að leikurinn endaði 0-0 og lítið um marktækifæri, ég man alveg eftir því að hafa horft á þó nokkuð marga Chelsea - Liverpool leiki sem hafa skipt máli sem hafa endað 0-0 og maður hefur verið við það að skjóta sig úr leiðindum yfir leiknum. Það er bara ekki sama hvort það er Jón eða Séra Jón, svo einfalt er það !

Menn hefur verið bent á að senda þeim E-Mail þarna á Sýn en persónulega hef ég engan áhuga á því vegna þess að það er ekki hægt að kenna gömlum hundi að sitja. Alla vega núna mun ég spara mér góðan pening að hætta með þessa ensku fótboltarás og horfa frekar á þetta á netinu, þar vita menn hvað þeir eru að tala um sem lýsa leikjunum þar. Jæja...ég bið að heilsa ykkur og í leiðinni óska ég þeim á Sýn til hamingju með að enn eitt enska liðið er komið í átta liða úrslit meistaradeildarinnar

http://hvitavonin.xblogg.is/

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.