Árni Johnsen skorar Bubba á hólm

13.Mars'08 | 07:57

Árni Johnsen, Þjóðhátíð, Brekkusöngur

Stóra Bubba/Bigga-í-Maus málið dregur dilk á eftir sér. Í Kastljósi á þriðjudag sagði Bubbi að Biggi væri svo laglaus að hann slægi meira að segja Árna Johnsen út. Ummælin fóru illa í Árna, sérstaklega þar sem Bubbi hafði áður sagt opinberlega að hann væri versti gítarleikari landsins.
„Það er orðið hvimleitt hvernig Bubbi drullar ítrekað yfir fólk í hroka sínum," segir Árni. „Eftir að ég sá innslagið hafði ég strax samband við Sigmar í Kastljósinu og skoraði Bubba á hólm í gítarleik og söng. Kastljósinu leist vel á þetta en Bubbi þorði ekki. Til vara skoraði ég Bubba á hólm í boxi. Hann er svo mikill kjúklingur að hann þorði það ekki heldur."

Árni segir að þeir Bubbi noti í grunninn jafn mörg gítargrip. „Við notum þetta fimmtán grip, en hann er nú samt flinkari en ég. Bubbi er afburðatónlistarmaður og hefur  samið mörg yndisleg lög en hann ræður bara ekkert við hrokann í sér. Og hann ræður heldur ekki við fjöldasöng. Þá hljómar hann bara eins og stunginn grís eða api sem er festur upp á þvottaklemmum í miðjum frumskógi."

Og enn hjólar Árni Johnsen í Kónginn. „Ef Bubbi finnur einn falskan tón á nýjustu plötunni minni -
og það eru 32 lög á henni - þá skulda ég honum þrjár milljónir. Sömu upphæð og hann notar nú til að lokka fólk í hljómsveitina sína því það gerir enginn sjálfviljugur."

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.