Margrét Lára skoraði í sigri Íslands á Póllandi í gær

6.Mars'08 | 07:08

Margrét Lára

Ísland vann í gær sigur á Póllandi í fyrsta leik liðsins á Algarve Cup á Portúgal. Dóra Stefánsdóttir og Margrét Lára Viðarsdóttir skoruðu mörk leiksins í síðari hálfleik. Leiknum lauk því með 2-0 sigri Íslands.

 

Eftir því sem kemur fram á heimasíðu KSÍ var Ísland hættulegri aðilinn í leiknum. Margrét Lára átti gott færi strax í upphafi leiks en pólski markvörðurinn varði vel frá henni.

Þá átti Katrín Jónsdóttir skalla rétt yfir markið og Dóra átti einnig skot að marki sem markvörður Póllands varði.

Staðan í hálfleik var því markalaus en Dóra skoraði mark Íslands á 58. mínútu. Margrét Lára lagði boltann fyrir hana og skoraði Dóra í kjölfarið með skoti utan vítateigs.

Margrét Lára skoraði svo sjálf síðara markið eftir að hafa komist ein í gegnum vörn Pólverja. Markið kom á 81. mínútu en skömmu áður hafði hún átt skot í stöng en af stönginni hrökk boltinn til Rakelar Hönnudóttur sem skaut einnig í stöng.

Varamaðurinn Sara Björk Gunnarsdóttir komst einnig í gott færi en markvörður Póllands varði vel frá henni.

Sú nýbreytni var í leiknum að sex dómarar störfuðu við hann. Aukadómararnir tveir voru staðsettir fyrir aftan sitt hvort markið og einbeittu sér að brotum innan vítateigs.

Þetta kerfi verður svo notað á öllum leikjum á HM U20-landsliða kvenna sem fer fram í Chile síðar á árinu.

 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.