Bætt við kvótann.

4.Mars'08 | 09:06

Tobbi

Jæja þá er búið að bæta við kvótann, loksins. Það er þá algerlega að sannast núna það sem við höfum verið að segja frá því í janúar að næg loðna hafi verið til staðar. Vonandi var ekki allt sett á annann endann með þessu loðnuveiðibanni en það kemur í ljós.

   Það eru allir að keppast núna við að byrja að kreista hrogn á Japansmarkað og á sennilega eftir að vera líflegt á miðunum á næstu dögum í kjölfarið á aukningunni en þetta hefur verið hálf einmannalegt líf hingað til. Það var reyndar aðeins líf á miðunum í dag. Skipin voru að fá gott út af Krísuvíkurberginu og þó nokkrir bátar á svæðinu. Strákarnir á Júpiter ÞH fylltu sig á skömmum tíma og áttu góðann afgang handa okkur.
  Vinnslan er að ganga alveg fínt núna og lágu 35 tæki á síðustu vakt þrátt fyrir að hluti vaktarinnar fór út til að taka á móti aflanum frá Júpiter. Við lentum í smá brasi síðust nótt með pökkunarvélina en redduðum því. Það var smávægilegur loftleki á einu hnéi og tók nokkurn tíma að staðsetja hann.
  Maður er hálf feginn að vera á sjó núna en ekki heim því Eyjan er algerlega snjóuð í kaf eins og flestir vita. Mesti snjór síðan "68 segja elstu menn en þá var Hjölli tíu ára og man sennilega vel eftir þeim vetri.
  Ekki má gleyma að minnast á kokkinn en hann var með svikinn héra í hádeginu og skil ég ekki afhverju má ekki bara vera með ósvikinn héra eða vonsvikinn héra. Í kvöldmatinn var hann með ýsu í súrsætri sósu alveg spes fyrir japsann sem er um borð með okkur núna, en Kuri og You fóru í land síðast og kom SansaMori um borð. Gamli refurinn, hann var með okkur í fyrra líka.
  Það styttist í að það verði hækkað í síðustu röð í afturlestinni og þegar hún verður búinn léttist yfir okkur því þá sést vel árangur. Þetta þarf að ganga hjá okkur núna alveg eins og smurð vél og ekkert meira bilirí !!
  Við skellum okkur sennilega inn til Eyja á næstunni til að létta á okkur í bræðsluna. Það verður sennilega kreist eiithvað af þessu og vonandi á það eftir að koma vel út og loðnan að nýtast vel í það, sem hún ætti að gera því í dag fengum við stóra og feita kellingu.

http://www.123.is/tobbivilla

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is