Loðnuveiðibanninu aflétt.

27.Febrúar'08 | 21:01

Tobbi

Til hamingju loðnusjómenn og landverkafólk, loksins áttuðu þessir menn sig á því að það sem loðnusjómenn eru búnir að vera að segja undanfarið um að nóg loðna sé í sjónum.

Landbúnaðarráðherra aflétti þessu blessaða loðnuveiðibanni nú seinni partinn í dag eftir að nýjar upplýsingar bárust honum frá Hafrannsóknarstofnun og er kvótinn þá 100.000 tonn. Ég ætla kannski ekki að byrja enn eina færsluna með plammeringum en loksins er mark tekið á reynslu og kunnáttu skipstjóra loðnuflotans sem að hafa verið á loðnuveiðum í áratugi. Menn sem byrja að fylgjast með loðnugöngunni norður af landi og elta hana alla vertíðina alveg til enda, ár eftir ár. En nú þurfa líka sumir að kyngja sínum stærsta bita á ferlinum....

  Það er líka spurning hvort trillusjómenn við Breiðafjörð dragi til baka stuðningsyfirlýsingu sína með loðnubanninu. Svo þýðir lítið fyrir sjómenn sem stunda þorskveiðar að vera að skrifa inn á síðuna mína um að þeir voni að engin loðna verði veidd. Mér finnst það ekki fallegt gagnvart mér og mínum frekar en að ég vonaði að þorskkvóti væri skertur meir. Ég held hins vegar að nægur þorskur sé í sjónum og sú skerðing er var á þorskkvóta kom frá sömustofnun og var á góðri leið að klúðra loðnuvertíðinni.

  En nú er bara að drífa sig á sjó og gera gott úr þessu. Álsey VE var farin út held ég 10 mínútum eftir að banninu var aflétt. Kap VE er farin líka. Sighvatur Bjarnason VE er á lndleið en hann var í hópi þessara fjögurra skipa sem tóku þátt í rannsókninni og kastaði hann ásamt hinum skipunum á lóðningu nú skömmu eftir hádegið. Þeir fengu sem sagt 1000 tonn í þessu eina kasti. Huginn VE sprengdi sína nót og hin tvö skipin fengu mjög góðan afla.
  Það er verið að landa úr Guðmundi og á að reyna að klára það fyrir hádegi á morgun þannig að við komumst á sjó ekki seinna en í hádeginu. Ég veit ekki hvort það standist en það var einhver hörgull á löndunarköllum en það þarf heilan her til að landa úr svona skipi, en vonandi gengur það enda eru þessir peyjar í genginu algerir jaxlar.

http://www.123.is/tobbivilla

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is