Ísköld kveðja frá bæjarstjóra mínum.

26.Febrúar'08 | 10:50

HannaBirna

Það er ekki í fyrsta skiptið sem Elliði bæjarstjóri gerir lítið úr Frjálslynda flokknum og þingmönnum hans. Ég get ekki skilið hvað Grétar Mar kemur mínum skrifum við.( hann er fullfær um að svara fyrir sig) 

Sem betur fer erum við í Frjálslynda flokknum. frjáls að tjá okkur án þess að þurfa að fá samþykki fyrir því,  hvort heldur sem við erum þingmenn, miðstjórnarmenn  eða bara venjulegir flokksmenn.

Bæjarstjóri fullyrðir að ég hafi verið að senda bæjarstjórn tóninn,. Því er ég alls ekki sammála, ég var aðeins að benda á þá staðreynd, hvað upplýsingaflæðið virðist lítið og kom það mér mjög á óvart á tækniöld.

Samningur á milli Vegagerðarinnar og Eimskipafélag Íslands ehf. er gerður 12.okt.2005. Ég átti samtal við Guðmund Pedersen um samninginn, ( sem ekki liggur nú á glámbekk, og er upp á fleiri tug blaðsíðna) kom fram að núverandi gjaldskrábreyting er vegna vísitöluhækkunar, grein sem fjallar um Verktaka og verðlagsákvæði. Að sjálfsögðu eigum við öll að mótmæla og skora á Samgönguráðherra að draga nú ekki lappirnar, heldur greiða hækkunina úr okkar sameiginlega sjóði. Ríkissjóði.

Síðan segir bæjarstjóri: " Hér eftir væri Frjálslyndum nær að styðja Vestmannaeyjabæ" Svolítið stórt upp í sig tekið af yfirmanni bæjarfélags sem veit örugglega betur um aðkomu þingmanna Frjálslynda fokksins. á síðast liðnum árum , eins og nú vegna málefna Eyjanna.  Þingmenn flokksins voru hér á ferð í janúar sl. og var þá farið yfir helstu málefni bæjarfélagsins með fulltrúum bæjarstjórnar og kom þar fram en og aftur vilji þingmanna flokksins að vinna með og fyrir Vestmannaeyjar.

En ef hver þingmaður á að hringja og afla sér upplýsingar um hvað er að gerast í hverju bæjarfélagi fyrir sig, get ég ekki komið auga á hvernig það væri hægt. Það var  nú þess vegna sem hugsanir mínar fóru á blað. Ég var svo sannarlega tilbúin að koma málefnum Vestmannaeyja að á þeim stutta tíma sem ég hafði til þess.

Í síðustu málsgrein  Elliða segir:" Að lokum hvet ég þig til að láta kjósendur þína vita hversu oft ÞÚ  HAFÐIR  SAMBAND VIÐ BÆJARYFIRVÖLD( mín leturb.) eftir að fyrir lá að ríkisyfirvöld myndu stöðva loðnuveiðar" Svo er nú það, hver á að hafa samband við hvern, um það snýst málið. Reyndar var minn síðasti þingdagur fimmudagurinn 21.feb.að öðru leiti finnst mér þessi ádeila ekki svaraverð.

Í  Morgunblaðinu 23.feb. sl.

Þingbréf. Halla Guðmundsdóttir.
Þar segir m.a:" Hanna Birna Jóhannsdóttir, Frjálslyndum, hefur á stuttum þingtíma oft látið að sér kveða, m.a. um málefni heimabyggðar sinnar, Vestmannaeyja.

Ég sat ekki aðgerðalaus á þingi og er sátt við mitt tímabil þar.
Með góðri kveðju.
Hanna Birna Jóhannsdóttir.
Varaþingmaður Frjálslynda flokksins í Suðurkjördæmi.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.