Vertíðin blásin af.

21.Febrúar'08 | 08:07

Tobbi

Jæja þá hafa verstu hugsanlegar kringumstæður skapast. Landbúnaðarráðherra hefur látið nördasveitina hjá Hafró hafa slík áhrif á sig að hann sá sér ekki fært um annað en að banna loðnuveiðar með öllu, frá og með hádegi á morgun.
Landbúnaðarráðherra sagði það óábyrgt af sér að fara ekki eftir ráðleggingum nördana og sagði einnig að hann skildi vel sjónarmið sjómanna. Hann hafi talað við ýmsa sjómenn sem hafi skilið og styðji þessa ákvörðun. Ég hinsvegar dreg efa við það að einhver loðnusjómaður hafi sagt landbúnaðarráðherra að hann skildi þessa ákvörðun og held að hann komi úr hópi þorskveiðimanna. Nema hvað, í þessum málum hafa þrír menn rosalegt vald í hendi sér, fyrstan skal nefna Svein Sveinbjörnsson (fiski)fræðing og svo Þorstein Sigurðsson Yfirundirnagari hjá nördunum og síðast Einar Ká landbúnaðarráðherra. Með væli út af misheppnaðri mælingu hjá nördunum þá slær Einar Ká á heila loðnuvertíð og kippir til baka þeim litlu aflaheimildum sem búið var að gefa út. Það skal enginn segja mér að ef við fiskum þessi tonn sem þegar hafa verið gefin út að þá muni þessi stofn hrynja. Þessi stofnun er reyndar algerlega runnin á rassgatið og á að leggja hana niður og láta hagsmuna aðila í sjávarútvegi um að stjórna þessum málum.
Þeir segja hinsvegar að ekki sé búið að gefa upp alla von um að meira eigi eftir að bætast í loðnuna og ætli sér að vakta svæðið, en rannsóknarskipið er hvergi sjáanlegt í augnablikinu. Skipstjórarnir á miðunum hafa verið að benda nördunum á að þeim finnst vera meira og meira af loðnu með hverjum deginum. Og eru að benda nördaskipinu á þéttar og miklar lóðningar en nördin segja alltaf,, við erum búnir að mæla þessa loðnu". Þeir eru alveg ótrúlegir hvað þetta varðar og þess vegna tek ég ekki mark á þeim.

Við erum búnir að fara yfir mikið svæði hér á miðunum austan við Ingólfshöfðann og er mikið af loðnu að sjá hér á stóru svæði, og þeir á Hákon keyrðu ströndina fram og til baka og tóku upp allt sem á dýptarmælinn kom. Það var eins og við var búist að mikið kom á mælinn á margra mílna löngum kafla. En þeir á Bjarna sögðust vera búnir að mæla þetta, þeir eu búnir að mæla allt og ekki neitt. Það eru allir á miðunum sammála um eitt, það er ekki rosalegt magn af loðnu hér en ekki heldur í neinu algeru lágmarki. Það er algerlega ástæðulaust að kippa þessum litlu aflaheimildum til baka, sérstaklega þegar það var gefið eftir kröfu Norðmanna og þeim leyft að taka allann sinn kvóta. Flest allir biðu með að fara af stað vegna lítillar úthlutunar í upphafi og ætluðu sér að taka þessi tonn sín þegar loðnan væri hvað verðmætust.

Það tapa allir á þessari ákvörðun, því hún er röng !

http://www.123.is/tobbivilla/ 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%