Smábátaeigendur í eyjum krefjast dragnótabanns innan 6 mílna

19.Febrúar'08 | 11:15

Félagsfundur í Farsæl, félagi smábátaeigenda í Vestmannaeyjum, haldinn hinn 16. febrúar s.l. ályktar eftirfarandi:

„Veiðar með dragnót verði alfarið bannaðar innan 6 mílna við strendur landsins.

 

 

Greinargerð:
Þegar kvótakerfið var sett á til „verndunar þorkstofninum" voru um sama leiti leyfðar svokallaðar „tilraunaveiðar" með dragnót.
Þetta skýtur skökku við. Á sama tíma og lokað er fyrir togveiðar á ákveðnum svæðum, bíða stór dragnótaskip með allt að 1000 hestafla vélar og minni möskvastærð í veiðarfærum eftir því að togararnir fari af svæðinu, svo þeir fyrrnefndu geti hafið skark á svæðinu.
Félagsfundur Farsæls telur dragnótina margfalt verra veiðarfæri en fótreipistrollið. Dragnætur eru með margra kílómetra níðþung dráttartóg, þeim kastað allt uppí fjöruborð allan liðlangan daginn, oft á tíðum svo grunnt að sæta þarf flóði ef útgerðin í heild sinni á ekki að hafna á þurru landi.
Þessi þungu tóg drepa sandsíli og aðra fiska sem hvorki skila sér í veiðarfærum að skipshlið, né um borð.

Stofn sandsílis er nánast horfinn af miðunum fyrir Suðausturlandi, Suðurlandi og norður í Breiðafjörð. Þorskstofninn á þessu svæði hefur lifað á sandsílinu sem og loðnugöngum. Við bætist að sjófuglategundir eins og t.d. lundi eru í augljósri hættu vegna þessa ástands.
Þetta vekur upp áleitnar spurningar um afdrif þorskklaksins á viðkomandi svæðum - sem alla tíð hafa verið talin þau mikilvægustu fyrir hrygningu þorsks við landið.

Það er eindregin skoðun Farsæls að hér eigi náttúran að njóta vafans. Farsæll skorar því á stjórnvöld að loka á þetta skaðræðisveiðarfæri í það minnsta 6 mílur frá ströndum landsins".

-------

Tog dragótarbáta eru oftast um 6 km í ummál. Það þýðir (með fyrirvara um að rétt sé reiknað) að flatarmál hvers togs er u.þ.b. 2.86 Km2. Reykjavík er 273 Km2, svo 95 tog þarf til að þekja sama flatarmál. Seltjarnarnesið er á stórsstraumsfjöru hins vegar um það bil sama flatarmál og eitt slíkt tog. Lesendur eru því beðnir að hafa í huga, taki þeir rúnt útá „Seltjarnarnesið lítið og lágt" að í heild sinni rúmast það innan eins slíks dragnótarkasts!

tekið af www.smabatar.is 


--------------------------------------------------------------------------------

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.