Mál Vestmannaeyjarbæjar á hendur olíufélögum þingfest í næstu viku

13.Febrúar'08 | 16:39

Vestmannaeyjar Vestmannaeyjabær

Mál Vestmannaeyjabæjar á hendur stóru olíufélögunum þremur vegna tjóns sem bærinn telur sig hafa orðið fyrir vegna samráðs þeirra, verður þingfest í næstu viku. Hins vegar er beðið eftir niðurstöðu Hæstaréttar í máli manns sem höfðaði mál á hendur félögunum áður ákvörðun verður tekin varðandi málarekstur um 150 einstaklinga sem telja sig hafa orðið fyrir tjóni vegna samráðsins.

Eins og fram kom í síðustu viku dæmdi Hæstiréttur Ker, Olís og Skeljun til þess að greiða Reykjavíkurborg og Strætó samtals nærri áttaíu milljónir króna í bætur vegna tjóns sem borgin og Strætó urðu fyrir vegna ólöglegs samráðs félaganna á níunda áratug síðustu aldar. Fram hefur komið að Vestmannaeyjabær hyggist einnig sækja rétt sinn gagnvart félögunum og er það vegna samstilltra aðgerða olíufélaganna við útboð Vestmannaeyjarbæjar árið 1997 vegna eldsneytiskaupa.

Að sögn Steinars Þórs Guðgeirssonar, lögmanns Vestmannaeyjarbæjar, verður mál bæjarins þingfest á þriðjudag og hljóðar bótakrafan með vöxtum upp á um 30 milljónir króna. Steinar Þór telur að mál Reykjavíkurborgar hafi fordæmisgildi fyrir mál Vestmannaeyjarbæjar enda hafi bæði byggst á útboði og fyrir liggi minnisblað og yfirlit um það að olíufélögin þrjú hafi samið um greiðslur sín á milli vegna útboðsins.

Öðru máli gegnir um mál sem Steinar Þór er einnig með, en það höfðaði Sigurður Hreinsson, húsasmiður á Húsavík, á hendur Keri. Héraðsdómur Reykjavíkur komst að því að Keri bæri að greiða Sigurði um 15 þúsund krónur í bætur vegna tjóns sem Sigurður hafði orðið fyrir vegna samráðs olíufélaganna.

Steinar Þór segir dóm í máli Reykjavíkurborgar ekki hafa jafn skýrt fordæmisgildi fyrir einstaklinga og fyrir Vestmannaeyjarbæ og vísar meðal annars til þess að sjaldan sé um útboð að ræða vegna einstaklinga. Mál Sigurðar verður tekið fyrir í Hæstarétti um miðjan apríl. Steinar Þór segir að beðið verði niðurstöðu í því áður en ákveðið verði hvað gert verði í málum um 150 einstaklinga sem Lögfræðistofa Reykjavíkur hefur á sinni könnu, en þeir telja sig hafa orðið fyrir tjóni vegna samráðs olíufélaganna.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-