Ofbeldismaður fékk skilorð vegna seinagangs

6.Febrúar'08 | 11:37

Vestmannaeyjar Vestmannaeyjabær

Rúmlega þrítugur Vestmanneyingur var í Héraðsdómi Suðurlands í dag dæmdur í tveggja mánaða skilorðsbundið fangelsi fyrir að hafa ráðist á, kýlt og bitið mann í samkvæmi í Vestmannaeyjum vorið 2006.

Maðurinn játaði sök að mestu leyti en kannaðist þó ekki við að hafa bitið neinn.

Hann hefur í þrígang síðustu tíu ár verið dæmdur fyrir líkamsárásir en var engu að síður aðeins dæmdur í skilorðsbundið fangelsi. Í dómsorði kemur fram að það hafi verið gert þar sem dráttur hafi orðið á því að gefa út ákæru í málinu.

Árásin var framin 1. apríl 2006 en rannsókn málsins virðist hafa lokið í júnímánuði sama ár. Ákæra var hins vegar ekki gefin út fyrr en 9 mánuðum síðar.

Ofbeldismanninum var þar að auki gert að greiða fórnarlambi sínu 182 þúsund krónur í skaðabætur og 49 þúsund krónur í sekt til ríkissjóðs.

 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Jólablað Eyjalistans

22.Desember'18

Út er komið jólablað Eyjalistans. Hér má lesa blaðið.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is