Nýjar fréttir..........

31.Janúar'08 | 07:10

Ísfélag Vestmannaeyja Guðmundur VE

Jæja loksins drullar maður sér til þess að koma með fréttir af sjónum. Það verður bara allt vitlaust ef að það dettur úr einn dagur, en það er kannski vel skiljanlegt því það eru margir sem skoða hjá mér á hverjum degi. En ég lofa að standa mig betur en ég hef gert undanfarinn sólarhring.

Það sem er að frétta héðan er að það er búin að vera svona kropp veiði en alveg nægjanlega mikil fyrir vinnsluna og vel það. Við erum að taka eins og við getum í bræðslu með þessu en leggjum mesta pústið í frystinguna. Ég er ekki með á hreinu hvað er komið í frystilestina en þetta gengur ágætlega á meðan ekkert bilar. Og það er nóg af hlutum til að bila þó svo að það er ekki mikið búið að bila í vinnslunni.

  Veðrið er altaf jafn ánægjulegt hér hjá okkur en það er komið skítaveður hér núna og á hann svo að snúast í norðanátt og verður þá veðrið kolvitlaust. Hér er alltaf þungur sjór enda aldrei nema partur úr degi þar sem það er lítill vindur, svo að sjórinn nær aldrei að róast. Félagar mínir á Allanum voru hálf gáttaðir á því að ég gæti orðið sjóveikur þarna um daginn en ég get sagt ykkur að ég er búinn að ná mér að fullu. Það að viðurkenna það hér á síðunni að sjóveiki gæti hrjáð jafn sigldann sjóara eins og mig var mikið þrekvirki og kannski svipað og að koma út úr skápnum, þó svo að ég láti aðra um það. En það vakti greinilega kátínu og umræðu hér á síðunni fyrir ykkur hina sem þetta lesa.

  Við hífðum trollið hér í dag félagarnir á bátsmannsvaktinni og voru einhver 100-150 tonn í sekknum. Þetta stefndi allt saman í að vera ósköp eðlilegt þar til að hausinn á niðurleggjaranum brotnaði af. Hann kom húrrandi niður og small í trolldekkinu einhverjum 7 metrum neðar beint fyrir ofan kojuna hjá Þresti. Hann er frekar illa farinn og er annar kjamminn brotinn og keflið beyglað. Boltarnir sem eiga að halda þessu stykki á niðurleggjaranum, alls fimm talsins og er hver 30mm, brotnuðu með fyrrgreindum afleiðingum.  Það skiptir mestu að engin sála var stödd á trolldekkinu þegar þetta gerðist, því þá hefði ekki þurft að spyrja af leikslokum. Ég veit ekkert hvaða ráðstafanir hafa verið gerðir varðandi það að fá þetta viðgert en það kemur örugglega í ljós á morgun. Eins og þetta er núna þá þurfum við bara að snörla pokann aftur í og hífa hann svo inn á tromlu þegar búið er að dæla. Þeim á Huginn tókst þetta í fyrra þegar niðurleggjarinn hjá þeim gafst upp, og fyrst þeir geta það þá getum við það líka..... Við vorum smá stund við að koma niðurleggjarahausnum fyrir úti í síðu og koma pokanum aftur á trollið.


En þetta tókst allt sama og köstuðum við trollinu þegar það var búið. Við erum sem sagt að toga núna og er veðrið orðið frekar fúllt. Það kæmi mér ekkert á óvart ef við mundum hífa fljótlega því það á svo að skella á okkur einhver fári í nótt.
  Vona að þið hafið haft gaman af lesningunni, þar til næst bið ég að heilsa.

http://www.123.is/tobbivilla

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.