Bingi búinn ..?

30.Janúar'08 | 15:12

Helgi Ólafs

Þetta eru skemmtilegir dagar fyrir menn eins og mig, sem hafa brennandi áhuga á pólitík. Nóg um að vera, og allir sem maður hittir tilbúnir til þess að spjalla um mitt helsta áhugamál, pólitíkina.
Nýjasta málið sem allt snýst um í dag er brotthvarf Binga úr borgarpólitíkinni. Nú þegar Framsóknarmenn eru búnir að missa sætið sitt við kjötkatla borgarinnar, þar sem þeir hafa setið stanslaust í um 14 ár, þrátt fyrir þá staðreynd að Framsóknarmenn virðist jafn vandfundnir í borginni og hvítir hrafnar, stingur Bingi sér til sunds og ákveður að yfirgefa sökkvandi Framsóknar prammann.
Þetta er náttúrulega snilldar vefur sem spunameistarinn Bingi spinnur núna. Hann er auðvitað orðinn með öllu valdalaus, kominn í minnihluta í borginni. Þess vegna er hann ekki að fórna neinu með að hverfa frá pólitík núna. En hinsvegar fær hann tækifæri til þess að leika hetjuna eða fórnarlambið (eftir því hvernig á það er litið) með því að neyðast til þess að axla "pólitíska ábyrgð" á því að öfundsjúkur vondur fyrrverandi þingmaður úti í bæ sýni fram á að hann hafi verslað sér fataleppa á kostnað flokksins. Sem er náttúrlega ekkert nema eðlilegt í augum Binga.
Bingi nær þess vegna að spila sig sem góða gæjann sem neyðist til þess að gefa eftir valdaleysið í borginni, til að aðstoða fólk við að gleyma fatakaupum sínum og kaupréttindum kosningastjóra ásamt öðru smotteríi. Svo kemur hann aftur tvíefldur, gúddígæinn, í landspólitíkina eftir þrjú ár.
Og hver veit nema hann þekkist þá boðið frá félaga sínum Össuri og enduruppgötvi sig sem Krata.

Fjölskylda óskar eftir gistiaðstöðu á Þjóðhátíð

13.Júní'19

Fjögurra manna fjölskylda með djúpar Eyjarætur óskar eftir gistiaðstöðu frá fimmtudegi til mánudags á Þjóðhátíð. Um er að ræða hjón með tvö ung börn. Nánari upplýsingar hjá Þórlindi í síma 822 8968.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is