Vikubið eftir tíma hjá lækni

29.Janúar'08 | 14:31

Vestmannaeyjar Vestmannaeyjabær

Ég hringdi á heilsugæsluna og ætlaði að fá tíma hjá lækni en fékk  það svar að það væri laus tími 5. febrúar.  Ég bað þá um símatíma hjá lækni en fékk sama svar, LAUS TÍMI ER 5. FEBRÚAR, þ.e. eftir heila viku.

Slík bið eftir tíma hjá lækni er með öllu óásættanleg!  Þessu verður að breyta.
Eftir að læknar hættu að fá greitt fyrir hvert læknisverk og fóru að fá  fastar greiðslur, hefur ástandi verið slæmt víða á heilsugæslustöðvum, Heilsugæslan á Suðurnesjum er  að gera ráðstafanir til að stytta biðtímann eftir lækni.  Af hverju ekki að skoða það hér líka? 

Það er vissulega hægt að fara á neyðarvakt ef ástandið er slæmt, en biðtíminn á vaktinni er ekki nokkrum manni bjóðandi, og hvað þá veiku fólki.
Ég fór með dóttur minni á neyðarvaktina fyrir nokkrum árum.  Hún var þá með svæsna hálsbólgu og náttúrulega var margra daga bið eftir tíma hjá lækni.  Á neyðarvaktinni þurftum við að bíða í lengri tíma eftir því að komast að hjá lækninum sem hélt svo skammarræðu yfir okkur fyrir að misnota neyðarvaktina með slíku smáræði.  Hvað á fólk eiginlega að gera?  Það er nauðsynlegt  að Heilsugæslustöð Vestmannaeyja bæti þjónustuna við fólkið.


                                             Hulda Sigurðard.

 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.