Dýrast er að vera með börn í leikskóla á Ísafirði

21.Janúar'08 | 11:22

Vestmannaeyjar Vestmannaeyjabær

Leikskólar Leikskólaplássin eru dýrust á Ísafirði ef miðað er við pláss fyrir eitt barn í fullu fæði í nokkrum fjölmennustu sveitar-félögum landsins. Næstdýrust eru þau í Garðabæ. Á Ísafirði kostar leikskólaplássið ásamt fullu fæði 30.448 krónur á mánuði en í Garðabæ kostar það 29.970 krónur.

Klukkustundin á leikskóla er dýrust í Garðabæ, á 3.200 krónur, en það gefur ekki rétta mynd af greiðsluhlutdeild foreldra því leikskóladvölin er alls staðar niðurgreidd. Á Ísafirði er klukkustundin á 2.840 en ódýrust er hún í Reykjavík, kostar 1.760 krónur.

Leikskólafulltrúarnir Guðríður Helgadóttir og Guðrún Helga Bjarnadóttir hafa tekið saman yfirlit yfir leikskólagjaldskrár tólf sveitarfélaga í landinu. Þau eru Akureyri, Hafnarfjörður, Kópavogur, Reykjavík, Garðabær, Seltjarnar­nes, Mosfellsbær, Reykjanesbær, Árborg, Ísa­fjarðarbær, Vestmanna­eyjar og Fljótsdalshérað.

Í samantektinni kemur fram að ódýrast sé að vera með eitt barn í fullu fæði í leikskóla í Kópavogi. Þar kostar átta tíma vistun með fæði 19.924 krónur. Reykjavík er næstódýrust með 20.150 krónur en annars kostar almennt gjald fyrir eitt barn leikskóla á bilinu 22.199 á Akureyri upp í 26.580 krónur í Vestmannaeyjum.

Séu báðir foreldrar í námi, eða um einstætt foreldri að ræða, er leikskólaplássið dýrast á Ísafirði, tæplega 22.500 krónur, og næstdýrast í Garðabæ eða tæpar 22.300 krónur. Langódýrast er það í Reykjavík, kostar 11.910 krónur og næstódýrast í Kópavogi þar sem það kostar 15.620 kr. á mánuði.

Í minnst þremur sveitarfélögum er gjaldfrjáls leikskóli en það er í Súðavík, Hvalfjarðarsveit og Fljótsdalshreppi/Hallormsstað.
Halldóri Halldórssyni, bæjarstjóra á Ísafirði, kemur nokkuð á óvart að leikskólaplássin á Ísafirði komi svo dýr út í samanburði við önnur sveitarfélög þar sem leikskólagjaldskrá og fæðisgjald hafi lækkað um tíu prósent frá síðustu áramótum. Þá hafi gjaldskráin ekki hækkað frá 2005.
Hann bendir á að Ísafjarðarbær hafi farið aðrar leiðir en að lækka bara gjaldskrá. Nú sé frítt fyrir þriðja barn og svo gildi gjaldskráin líka fyrir systkini hjá dagmóður eða í lengdri viðveru í grunnskóla. Þá sé frítt í fjóra tíma fyrir fimm ára börn í leikskóla.

„Það má segja að þetta skili sér ekki þegar gerður er strípaður samanburður á gjaldskrám,"

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is