Helstu verkefni lögreglu frá 7. til 14. janúar 2008.

14.Janúar'08 | 15:53

Lögreglan,

Lögreglan hafði í nógu að snúast í vikunni sem leið vegna hinna ýmsu mála sem rötuðu inn á  hennar borð.

Tvö eignaspjöll voru tilkynnt til lögreglu í vikunni sem leið. Í öðru tilvikinu var um að ræða skemmdir á hópbifreið sem lagt var vestan við verslunina Tvistinn. Um er að ræða rispur á annarri hlið bifreiðarinnar og er talið að skemmdarverkið hafi verið framið um eða í kringum áramótin. 

Í hinu tilvikinu var um að ræða skemmdir á nýja íþróttahúsinu sem talið er að hafi átt sér stað  núna í kringum áramótin.  Er þarna um að ræða skemmdir á klæðningu en þarna hafa einhverjir hafa verið að leika sér að því að sprengja klæðninguna frá húsinu frá með því að setja skotelda bak við klæðninguna.

Síðdegis þann 8. janúar sl. var lögreglu tilkynnt um að eldur væri í bílhræjum á geymslustæði Sorpeyðingarstöðvar Vestmannaeyja.  Slökkviliðið var kallað á staðinn og gekk greiðlega að ráða niðurlögum eldsins.  Í ljós kom að nokkrir drengir höfðu verið að leika sér með skotelda sem endaði með því að eldur læstist í bílhræin.

Af um ferðarmálum er það helst að frétta að einn ökumaður var sviptur ökuréttindum með svokölluðu akstursbanni. Ákvæði þetta er tiltölulega nýtt í umferðarlögum á á við þá ökumenn sem eru með bráðabirgðaökuskírteini, en þeir eru látnir sæta akstursbanni lögreglustjóra þegar þeir hafa fengið fjóra refsipunkta. Það þýðir að viðkomandi fær ekki að aka ökutæki fyrr en hann hefur farið á námskeið og staðist bóklegt og verklegt ökupróf.

Þá fengu tveir ökumenn sekt fyrir að virða ekki stöðvunarskyldu, einn fyrir að virða ekki gangbrautarrétt, tveir fyrir ólöglega lagningu ökutækis og einn fyrir óheimila notkun á þokuljósum. 

Rétt er að benda á það að ekki er heimilt að nota þokuljós nema við sérstök skilyrði þ.e. í þoku og slæmu skyggni.  Lögreglumenn hafa að undanförnu orðið varir við að ökumenn séu að nota þokuljósin ásamt aðalljósum en það er með öllu óheimilt nema við þær aðstæður sem áður voru nefndar.  Sekt við óheimila notkun þokuljósa er kr. 5.000,-.

Þrjú umferðaróhöpp voru tilkynnt til lögreglunnar í vikunni sem leið en í öllum tilvikum var um minniháttar óhöpp að ræða og engin slys á fólki.

 

 

 

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.