Grunur um íkveikju í Eyjum

14.Desember'07 | 10:41
Samkvæmt upplýsingum frá varðstjóra hjá lögreglunni í Vestmannaeyjum leikur grunur á að um íkveikju hafi verið að ræða þegar kviknaði í gamla Fiskiðjuhúsinu í Vestmannaeyjum í nótt. Tilkynnt var um eldinn um klukkan hálf fjögur í nótt en þegar slökkvilið kom á vettvang reyndist eldurinn ekki mikill þó að talsverður reykur hafi myndast. Vitað er til þess að ungmenni voru í húsinu í gærkvöldi en húsið hefur verið notað meðal annars til hljómsveitaræfinga undanfarin misseri. Rannsóknardeild lögreglunnar í Vestmannaeyjum vinnur að rannsókn á upptökum eldsins, en ekki er talið útilokað að eldurinn sé af mannavöldum.
Brunar af völdum íkveikju hafa verið algengir í Vestmannaeyjum á síðustu sjö árum. Frá árinu 2000 og til dagsins í dag er talið að allt að fjórtán bruna megi rekja til íkveikju.
Margir þessara bruna hafa átt sér stað í desember en í fyrra kviknuðu fjórir eldar sem rekja má til íkveikju í mánuðinum. 4. desember var kveikt í kaffistofu Lifrarsamlagsins. Það var í fjórða skiptið sem reynt var að kveikja í því húsnæði á fimm árum. 16. desember var kveikt í þró við fiskimjölsverksmiðju Ísfélagsins. Eldurinn var mjög mikill en slökkviliðið náði að ráða niðurlögum eldsins í tæka tíð. Litlu munaði að illa færi því nokkur tonn af ediksýru voru í húsinu. Stuttu síðar sama kvöld var reynt að kveikja í húsnæði Fiskiðjunnar skammt frá. Maður sem átti leið inn í húsið slökkti eldinn með slökkvitæki. Á þriðja degi jóla eða 27. desember var síðan kveikt í geymslugámi við Skipalyftuna og eyðilagðist allt sem var inni í gámnum.
Íbúar í Vestmannaeyjum eru margir hverjir ókyrrir vegna eldanna sem virðast endurtaka sig í sífellu í skjóli myrkurs á veturna. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).