Eyjamenn vilja stærri ferju og fleiri ferðir

25.Október'07 | 12:58

Róbert Marshall

Róbert Marshall, aðstoðarmaður samgönguráðherra, segir að minnisblað bæjarráðs Vestmannaeyja þar sem lagðar eru fram kröfur varðandi nýja ferju, verði teknar til skoðunnar í stýrihópnum sem nú vinnur að málinu. Róbert, sem á sæti í stýrihópnum segir tillögur Vestmannaeyinga ganga heldur lengra en menn hafi hingað til gert ráð fyrir.
Vestmannaeyjabær gerir kröfu um að nýja ferjan geti borið 55 bíla og 350 farþega og að hún sigli sex sinnum á milli lands og eyja yfir vetrartímann á dag, en átta sinnum yfir sumartímann. Þá vilja Eyjamenn að fargjaldið verði 500 krónur fyrir fullorðna, 500 krónur fyrir hvern bíl og að frítt verði í ferjuna fyrir börn yngri en tólf ára en börn á aldrinum 12 til 18 ára greiði 250 krónur. Þá krefjast þeir þess að 40 prósenta magnafsláttur standi til boða.

Í minnisblaðinu er varað við því samið verði við einn aðila um rekstur ferjunnar í 15 og fara bæjaryfirvöld fram á að ekki verði samið til lengri tíma en fimm ára og í eitt til tvö ár til að byrja með. Þá vilja þeir að gengið verði út frá því að hafnarmannvirkin í Bakkafjöru verði rekin af eigendum hafnarinnar, Vesmannaeyjabæjar og Rangarþings Eystra.

Að lokum er hnykkt á því að hægt sé að lyfta grettistaki í samgöngum á milli lands og Eyja, en til þess að af því geti orðið verði að taka fullt tillit til sjónarmiða heimamanna.

Róbert Marshall segir þessar tillögur ganga heldur lengra en menn hafi hingað til gert ráð fyrir. Til dæmis hafi verið gengið út frá því að fjöldi ferða yrði að meðaltali fimm á sólarhring auk þess sem reiknað hafi verið með að ferjan tæki 250 farþega en ekki 350 eins og krafist er í minnisblaðinu. „Þetta er eitt af því sem við eigum eftir að fara yfir í stýrihópnum," segir Róbert. Hann bendir á að þegar sé búið að gera ráð fyrir ákveðnum fjármunum í verkefnið og að sú tala sé miðuð við uphaflegar forsendur. „Verði tekin ákvörðun um breytingar í þessa veru geri ég ráð fyrir því að það þurfi að fara inn á borð ríkisstjórnar og Alþingis."

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.