Malbikunarstöð Vestmannaeyja lokað næsta sumar

24.Október'07 | 08:36

vestmannaeyja Vestmannaeyjabær Heimaklettur

Á síðasta fundi Umhverfis- og framkvæmdasviðs var ákveðið að loka malbikunarstöðinni á næsta ári og verður líklega síðasta malbikið keyrt úr stöðinni í byrjun næsta sumars.

Á fundinum voru lagðar fram tillögur vinnuhóps um framtíðarhorfur malbikunarstöðvarinnar og voru tillögur hópsins þessar:

- Vinnuhópurinn telur ekki forsendur fyrir kaupum á nýrri malbikunarstöð m.v. fyrirliggjandi upplýsingar um stofnkostnað o.fl..

- Vinnuhópur telur ekki skynsamlegt að fara í stórfelldar viðgerðir á vélbúnaði og aðstöðu í núverandi malbikunarstöð. Miðað verði við að unnið verði í stöðinni í nokkra daga haustið 2007 og aftur fyrri hluta næsta sumars og henni verði lokað eftir þá malbikun.

- Fyrir smáviðgerðir og smá-útlagningar verði keypt tilbúið sérstakt malbik frá malbikunarstöðvum á höfuðborgarsvæðinu og það flutt sjóleiðis til Eyja.

- Leitað verði eftir tilboðum vegna framleiðslu á malbiki með færanlegri malbikunarstöð, en tvær slíkar stöðvar eru hér á landi. Leitað verði eftir samstarfi við Vegagerðina um að fara í verulegt átak varðandi malbiksyfirlög á þjóðvegum í Eyjum og Vestmannaeyjabær fari á sama tíma í lagningu yfirlags á nokkrum götum í gatnakerfi bæjarins.

Framkvæmdastjóra Umhverfis- og framkvæmdasviðs falið að taka upp formlegar viðræður við forráðamenn Vegagerðarinnar um samstarf vegna átaks í lagningu malbiks á götum í Eyjum og stefna að því að þessar malbikunarframkvæmdir eigi sér stað eigi síðar en sumarið 2009.

 

 

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.