Sóknarfærin liggja meðal annars í því að bæta og efla Rannsóknarsetrið í Vestmannaeyjum.

8.Október'07 | 07:31

Jóhann Örn

www.eyjar.net heldur áfram að heyra í brottfluttum eyjamönnum bæði innanlands sem og erlendis með þeim tilgangi að fá að vita hvar þau eru stödd í lífinu og hvaða viðhorft þau hafa til Vestmannaeyja.

Að þessu sinni heyrðum við í Jóhanni Erni Friðsteinssyni en Jóhann Örn er búsettur í Þrándheimi í Noregi. Jóhann Örn stundar þar nám í jarðverkfræði með áherslu á jarðgangnagerð.

Nafn:
Jóhann Örn Friðsteinsson (1978)
 
Fjölskylduhagir
Er í sambúð með Kristjönu Hildi Kristjánsdóttur, ættaðri úr Aðaldal og á tvær dætur, Freyju Maríu fædda 2004 og Ásdísi Ernu nokkra mánaða.
 
Atvinna og menntun:
Útskrifaðist með B.s. gráðu í jarðfræði frá Háskóla Íslands 2001. Vann síðan hjá Almennu verkfræðistofunni í 5 ár og stunda nú nám í Jarðverkfræði með áherslu á jarðgangnagerð við Norges Tekniske-Naturvitenskaplige Universitet (NTNU) í Þrándheimi.
 
Búseta:
Bý í Þrándheimi í Noregi
 
Mottó:
Þetta reddast er mitt mottó og síðan skila ég sjaldan af mér verkefni án þess að vera alveg fullkomlega sáttur við það.
 
Ferðu oft til Eyja ?
Ég get því miður ekki sagt það. Fór orðið allt of sjaldan áður en ég flutti til Noregs, kannski 2-3 sinnum á ári.
 
Telurðu það hafa mótað þig sem einstakling að hafa alist upp í eyjum?
Já að miklu leyti, held að ég hefði nú ekki haft svona mikinn áhuga á náttúrufræðum ef ég hefði alist upp á mölinni.

Tenging við eyjarnar í dag:
Foreldrar mínir, amma og afi ásamt frændum og frænkum búa í Eyjum, svo eru það náttúrulega hin tilfinningalegu tengsl. Fæ stundum nokkurskonar fortíðarþrá þegar ég hugsa til barnæskunnar.
 
Fylgistu með því sem er að gerast í eyjum ?
Að sjálfsögðu geri ég það. Les vefmiðlana á hverjum degi. Síðan spjalla ég annars lagið við Jóhann Svein og þar fæ ég það sem vantar uppá.
 
Hvernig finnst þér staða Vestmannaeyja í dag?
Samgöngumálin eru gjörsamlega í lamasessi, allt er einhvern vegin svo staðnað og ekkert gerist fyrr en þessu verður kippt í liðinn. Það eru allir að bíða. Annars finnst mér fólk almennt vera bjartsýnna en áður.

Hvar finnst þér sóknarfærin liggja fyrir Vestmannaeyjar ?
Vísindin efla alla dáð. Sóknarfærin liggja meðal annars í því að bæta og efla Rannsóknarsetrið í Vestmannaeyjum. Það eru fáir staðir á landinu betur til þess fallnir til að stunda rannsóknir á lífríki sjávar. Efla mætti einnig framhaldsskólann og athuga grundvöll fyrir heimavist, hefur eflaust eitthvað verið spáð í það.  Svo er það náttúrulega ferðaþjónustan og allur sá pakki, gera út á náttúruna og nýja hraunið. Er ánægður með Pompei norðursins verkefnið. 

Hvernig sérðu næstu 10 ár í þróun eyjanna?
Stórbættar samgöngur, ÍBV fær 3 stig úr öllum viðureignum við KR, frá og með 2009. Sameining grunnskólanna (held að það verði hitamál J, eða er það búið). Veit ekki hvernig skerðing þorskkvótans mun hafa áhrif á atvinnulíf en þetta reddast allt saman.

Sérðu fyrir þér á næstu árum að flytja til eyja? 
Ég býst ekki við því nei. Ég ætla mér að vinna við eitthvað tengt jarðgangnagerð en svo er víst ekki á dagskrá á stór Vestmannaeyjasvæðinu.
 
Gætirðu hugsað þér að stofna og reka fyrirtæki í vestmanneyjum?
Nei, ég hef svo afskaplega lítið vit á markaðsfræði, viðskiptafræði og hvað sem þetta nú heitir að ég færi væntanlega strax á hausinn eða þá tekinn í gegn af skattinum.

Ef að Eyjamenn þyrftu að fjármagna göngin að hluta til, myndirðu kaupa hlutafé í göngunum ?
Það fer eftir því hvað kæmi í ljós í rannsóknum, hverjir myndu hanna göngin og hafa eftirlit með framkvæmdum. 
 
Eitthvað að lokum ?
Ég ætla að nota tækifærið og senda kveðju til ömmu Toddu og afa Fúsa og svo náttúrulega... Áfram Týr.

 

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).