Engin haldbær rök fyrir að skerða þorskkvótann

2.Október'07 | 21:39

Guðjón Arnar

Guðjón Arnar Kristjánsson, formaður Frjálslynda flokksins, gagnrýndi harðlega þá ákvörðun stjórnvalda í sumar að skerða þorskkvóta um 60 þúsund tonn. Sagði hann að engin haldbær rök hefðu verið fyrir þessari furðulegu niðurstöðu og þvert á móti væru ýmis rök fyrir því að auka þorskaflann.

Guðjón Arnar sagði, að athugun þingmanna Frjálslynda flokksins á tillögum Hafrannsóknastofnunar allt frá svörtu skýrslunni svonefndu árið 1973, hafi leitt í ljós, að á nokkurra ára fresti komi þaðan boðskapur um hrun í þorskstofnum. Þess á milli sé lagður til aukinn þorskafli. Nú séu Hafrómenn í enn einu svartsýniskastinu án þess að hrun sé yfirvofandi.

Þá sagði Guðjón, að ákvörðun sjávarútvegsráðherra vegi að byggð í landinu og muni leiða til þess að veiðikvótinn þjappist á enn fárra hendur.

Guðjón Arnar fór yfir nokkur mál, sem Frjálslyndi flokkurinn mun leggja fram á yfirstandandi þingi, þar á meðal að sérstakur persónuafsláttur verði tekinn upp sem tryggi, að þeir sem hafa minni tekjur en 1,8 milljónir króna í árslaun greiði ekki tekjuskatt eða útsvar.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.