300 tonn, takk fyrir !!

8.September'07 | 14:47

Ísfélag Vestmannaeyja Guðmundur VE

  Jæja það hlaut nú að koma að því að við myndum hitta í afla í þessum blessaða túr. Við vorum rétt í þessu að hífa ein 300 tonn og er það algert methal í þessum túr.
 Það bjóst enginn við að það væri þetta magn í pokanum því við vorum búnir að sjá svo illa á aflanemana og það rétt kornaði í gatinu á höfuðlínustykkinu. En það kom annað á daginn heil 300 tonn. Við dældum 200 tonnum í okkur og restin, eða 100 tonn fóru yfir í Hákon EA. Síldin er mjög góð og er meðalviktin um 378 gr. og er nánast átulaus. Það á þar af leiðandi að heilfrysta síldina og flaka það sem kemur undan flokkaranum.

  Við erum ekki á frægum síldarslóðum, við erum VSV af Jan Mayen og eru ekki nema 3 sml. í Grænlensku línuna. En það er sama hvar maður er á sjónum ef síldin gefur sig.

  Hákon EA tekur svo næsta hal og vonandi verður eitthvað framhald á þessu. Hinir Íslendingarnir eru farnir eitthvað annað eða eru ekki hér með okkur en hafa sennilega ekki farið langt. Færeyingarnir eru hérna rétt hjá okkur en ég hef engar fréttir af aflabrögðum hjá þeim.

  Þetta kemur sennilega til með að vera halið sem bjargar geðheilsu manna. Þetta er annað hvort í ökla eða eyra því við hífðum ekki nema 30 tonn síðast. Það er aðeins að lyftast brúnin á mönnum hér og er óhætt að segja að menn tóku þessu með brosi á vör og tilhlökkun í hjarta. Því nú stefnir í að maður nái bara heillri vakt í vinnslu. En þetta er ekkert minna en glæsilegt, best að fara og drífa sig í sloppinn og setja á sig hárnetið og skella sér fram í vinnslu.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.