Mikill karakter að koma til baka

2.September'07 | 22:22

ÍBV Ingi Hrafn

Eyjamenn unnu góðan sigur á Víkingi frá Ólafsvík á föstudaginn 3-1. Þeir lentu þó í mesta basli með Ólafsvíkinga sem náðu yfirhöndinni í leiknum og voru yfir í hálfleik 0-1. En strákarnir sýndu frábæran karakter í miklu rigningarveðri og snéru taflinu sér í vil. Fyrir leiktíðina hefði þessi leikur líklega skrifast sem algjör skyldusigur en miðað við hvernig gengi liðsins hefur verið á heimavelli bjuggust sennilega flestir við erfiðum leik. Sú varð raunin en liðið hélt haus og náði þremur góðum stigum.
Liðið var þannig skipað: Henrik í markinu, Matt í vinstri bak, Arnór í hægri bak, Bjarni Hólm og Andri miðverðir. Yngvi og Andy á miðjunni, Jeffsie fremstur á miðjunni, Ingi á hægri kanti, Gústi á vinstri kanti og Atli frammi. Palli var meiddur og var því ekki með.

Fyrirliðinn Bjarni Hólm var ánægður með sigurinn enda hefðu aðstæður verið mjög erfiðar. ,,Þetta var mjög erfitt og völlurinn var rennandi blautur. Við áttum lélegan fyrri hálfleik, vorum í miklu basli bæði varnarlega og sóknarlega og nær allar okkar sendingar voru lélegar. Við náðum ekki að brjóta okkur í gegnum þennan pakka hjá Víkingunum sem voru mjög aftarlega á vellinum."

Bjarni sagði Heimi hafa gert breytingu í hálfleik sem skilaði sér mjög vel og var hann mjög ánægður með seinni hálfleikinn. ,,Pétur kom inná kantinn fyrir Yngva sem fór útaf og við færðum Atla upp á topp með Gústa og við spiluðum bara plain 4-4-2. Seinni hálfleikurinn var mjög góður, sendingarnar komnar í lag, meiri hreyfing á öllum leikmönnum og við náðum að opna þá. Öll andstæðan við fyrri hálfleik kom í seinni hálfleik. Náðum að vera mjög þolinmóðir og það skiptir gríðarlega miklu máli á móti svona liði sem pakkar svona í vörn," sagði Bjarni sem sagði ekkert hafa komið á óvart í leik Víkings. Þeir væru mjög líkamlega sterkir og að það þyrfti mikla þolinmæði í að brjóta þá niður.

Hann sagði liðið geta dregið nokkra mjög jákvæða punkta út úr leiknum. ,,Jákvæðu punktarnir voru þolinmæði og ekkert panik þó að við lentum undir. Við náðum að rífa okkur upp þrátt fyrir slakan fyrri hálfleik. Eins var mikil jákvæðni í gangi hjá okkur inná vellinum og mikil samstaða." Og fyrirliðinn sagði baráttunni ekki lokið. ,,Við höldum áfram að byggja ofaná það sem hefur verið jákvætt í okkar leikjum að undanförnu. Tökum einn leik fyrir í einu og höldum áfram að reyna að hala inn stigum. Þetta er hvergi nærri búið," sagði hann að endingu.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).