Tvílembum nú með Huginn VE.

28.Ágúst'07 | 07:19

Ísfélag Vestmannaeyja Guðmundur VE

Jæja þá erum við byrjaðir að tvílemba með strákunum á Huginn VE. Við græjuðum okkur í nótt og köstuðum svo um sjö í morgun. Sverrir Rúnars fór yfir um borð í Huginn til að sýna strákunum handbrögðin enda hafa þeir aldrei partrollað áður.

Allt þetta gekk fínt og erum við með trollið okkar úti núna og ætlum við að skipta þeim afla sem við fáum okkar á milli. Það er ekkert að mokast inn í trollið en það var lítið að sjá fyrst í morgun. Þetta er eitthvað að glæðast núna en svona er ástandið búið að vera hér við Jan Mayen. Það er búið að vera mikið betri veiði hjá þeim sem eru að partrola heldur en hjá þeim sem eru einir. Síldin er öll í yfirborðinu og er þetta eina almennilega leiðin til að ná einhverju af henni.
  Við erum núna um 30 sml. sunnan við Jan Mayen og sést vel í eldfjallið á eynni. Það heitir Beerenberg og skagar  2277 metra yfir sjávarmál. Veðrið er að leika við okkur þessa stundina og er sól og blíða. Það er líka ágætt að fá svona gott veður á meðan verið er að slípa til strákana á Huginn.
  Ég setti inn myndband sem ég tók þegar strákarnir á Huginn skiluðu Sverri til okkar eftir að búið var að kasta. Er í "myndbönd".

http://www.123.is/tobbivilla/

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fjölskylda óskar eftir gistiaðstöðu á Þjóðhátíð

13.Júní'19

Fjögurra manna fjölskylda með djúpar Eyjarætur óskar eftir gistiaðstöðu frá fimmtudegi til mánudags á Þjóðhátíð. Um er að ræða hjón með tvö ung börn. Nánari upplýsingar hjá Þórlindi í síma 822 8968.