ÍBV Íslandsmeistari í 7 manna bolta

26.Ágúst'07 | 22:40

3 flokkur kvenna

Stelpurnar í 3. flokki gerðu sér lítið fyrir og tryggðu sér Íslandsmeistaratitilinn í 7 manna bolta í dag. Eins og glöggir lesendur síðunnar hafa tekið eftir, fór úrslitakeppnin fram í Vestmannaeyjum um helgina við allra bestu aðstæður. Nokkuð rok var þó í gær en liðin náðu þrátt fyrir það að sýna glæsilega spilamennsku. Í dag var síðan alger blíða og keppnisvellirnir í mjög góðu standi eins og vallarstjórans var von og vísa.
Stelpurnar léku frábæran fótbolta í dag og rúlluðu yfir báða andstæðinga sína. Fyrst sigruðu þær KS/Leiftur 7-0 og svo fengu KA stúlkur að finna til tevatnsins en þær lágu 5-0 fyrir frískum Eyjastelpum. Þær sigruðu því úrslitakeppnina, enduðu með 10 stig og 15 mörk í plús. Það var síðan fyrirliði liðsins, Saga Huld Helgadóttir sem tók við Íslandsbikarnum úr hendi Einars Friðþjófssonar stjórnarmanns í KSÍ.

Lið Sindra frá Hornafirði sýndi einnig mjög góð tilþrif í mótinu og hafa innanborðs margar efnilegar stelpur. Þær veitti ÍBV stelpunum góða keppni en komust ekki nær en í annað sæti mótsins.

ÍBV.is óskar þjálfaranum Jóni Ólafi Daníelssyni og öllum leikmönnum 3. flokks kvenna til hamingju með Íslandsmeistaratitilinn og glæsilegan árangur í sumar. Halla Einarsdóttir ljósmyndari smellti nokkrum myndum við verðlaunaafhendinguna í dag og þær fylgja hér með.

TIL HAMINGJU STELPUR !

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.