Gunnar Heiðar skoraði á móti Kanada

22.Ágúst'07 | 23:33
Íslenska karlalandsliðið spilaði í kvöld æfingaleik á móti Kanadamönnum á Laugardalsvelli. Leiknum lauk með 1-1 jafntefli en mark Íslands skoraði eyjamaðurinn Gunnar Heiðar Þorvaldsson á 65 mínútu leiksins.

Hermann Hreiðarsson bar fyrirliðabandið í leiknum og stjórnuðu Hermann og Ívar Ingimarsson vörn Íslands í þessum leik. Landslið Kanada komst ekki í mörg færi í leiknum en þó náðu þeir að skora eitt mark og má segja að það hafi komið úr þeirra eina marktækifæri. Hermann spilaði gríðarlega vel og er greinilegt að hann er í sínu fínasta formi.

Gaman var að sjá Gunnar Heiðar skora enda hefur hann átt erfitt uppdráttar hjá þjálfara Hannover 96 í Þýskalandi og sagðist Gunnar hafa heyrt af því að einhver lið hefðu sent fulltrúa á leik Íslands og Kanada til að fylgjast með honum.
Frá því að Gunnar Heiðar gekk til liðs við Hannover þá hefur verið skipt um þjálfara og stjórn og frá því að nýi þjálfarinn tók við hefur Gunnar verið meira og minna meiddur og lítið getað sýnt sig. Þjálfarinn hjá Hannover hefur tilkynnt Gunnari að helst vilji hann ekki missa hann, heldur lána hann til að láta reyna á Gunnar og geta þá kallað hann til baka ef þörf krefur.

Eyjar.net spurðu Gunnar örstutt út í leikinn og næstu skref hjá honum.

Nú náðir þú að skora mark í kvöld, ertu ánægðu með leik þinn í kvöld?
Já mér fannst þetta koma ágætlega út, langt síðan maður hefur spilað heilan leik en ég er sáttur við þetta mark.

Nú er staðan þín hjá Hannover í Þýskalandi ekki sú bjartasta, hvernig sérðu framhaldið í því máli?
Það lítur ekkert neitt svakalega vel út eins og staðan er í dag, en ég vissi að einhver lið voru með fulltrúa á þessum leik í kvöld og vonandi sáu þeir eitthvað í mér sem þeir vilja fá.

Mark á móti Real Madrid og Kanada heldurðu að það hafi áhrif á einhver lið?
Ég vona það svo sannarlega

Þú sérð fram á það að þú skiptir um lið og hugsanlega land á næstu vikum?
Já ég verð bara að segja vonandi, ég verð að komast í eitthvað lið og fá að spila fótbolta til að byggja ofan á það komið var.

Og ertu búinn að ná þér að fullu af öllum meiðslum?
Meiðslin eru orðin góð og nú er bara að koma sér í stand og fara að setja inn fleiri mörk.

Eyjar.net þakkar Gunnar Heiðari fyrir og óskar honum góðs gengis.

Ljósmyndir frá landsleiknum

 

Segðu þína skoðun á fréttinni á www.eyjar.net/spjall

 

 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.