Skólastarf að hefjast.

17.Ágúst'07 | 21:06

Skólakrakkar, Grunnskóli Vestmannaeyja

Skólastarf er að hefjast innan fárra daga. Miklar breytingar hafa verið í farvatninu og mikið og spennandi  starf er framundan. Grunnskóla Vestmannaeyja hefur nú verið aldursskipt. Yngri nemendur eiga að mæta  til skólasetningar 23. ágúst n.k. í Hamarsskóla  sem verður aðsetur fyrir 1. – 5. bekk. Kennsla hefst hjá þeim föstudaginn 24. ágúst. Eldri nemendur koma til skólasetningar sama dag  í Íþróttahúsinu þar sem þeir munu hitta kennara sína og fá nánari upplýsingar um það sem er framundan.

Í sumar hafa iðnaðarmenn  í bæjarfélaginu unnið hörðum höndum við að breyta húsnæði Barnaskólans  til að bæta aðgengi og aðbúnað allan, bæði fyrir nemendur og starfsfólk. Enn vantar svolítið uppá að þeim  löngu tímabæru framkvæmdum ljúki en ætlunin er að hefja skólastarf  í 6. - 10. bekk  mánudaginn 27. ágúst.  Því má búast við  að bæði nemendur og  starfsmenn skólans þurfi að sýna þolinmæði og umburðarlyndi meðan verið er að koma hlutunum á réttan stað og ljúka frágangi.

Að venju mun umferð bæði gangandi  og akandi vegfarenda aukast verulega þegar skólastarf hefst og því eru forráðamenn beðnir að skoða gönguleiðir með börnum sínum og velja með þeim heppilegustu leiðirnar í skólann.  Jafnframt eru forráðamenn sem aka börnum sínum í skólann hvattir til að skoða heppilegustu akstursleiðirnar. Mikilvægt er að skoða hvar hentar best að skila börnunum  af sér til að þau séu sem öruggust í umferðinni og til að koma í veg fyrir umferðarteppu. Jafnframt eru foreldrar sem aka börnunum í skólann hvattir til þess að sameinast um aksturinn og skiptast á að aka börnunum þannig að það séu sem fæstir bílar á ferð  við skólana.

Verið er  að undirbúa akstursleið að Hamarskóla  úr vestri (Goðahraunsmegin)  þar sem verður gott rými fyrir bíla og örugg gönguleið fyrir börnin  að skólanum.  Einnig er vert að benda foreldrum barna sem fara í Hamarsskóla á, að það er örugg, upplýst  og stutt gönguleið frá  Íþróttahúsinu að Hamarsskóla þannig að foreldrar sem koma austan að  geta ekið börnum sínum að Íþróttahúsinu og látið þau ganga þaðan.

 Eins og við vitum öll er hreyfing talin afar mikilvægur þáttur í heilsurækt. Því  viljum við eindregið hvetja foreldra til að stuðla að því að börn þeirra gangi sem oftast í og úr skóla. 

Með samstarfskveðju,
f.h. fjölskyldu- og fræðslusviðs Vestmannaeyja

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.