Ekki dæma Britney ...

17.Ágúst'07 | 14:44

Ómar Smára

Mér finnst alltaf jafn leiðinlegt að lesa skrif frá fólki sem er tilbúið til að skella fram alls konar fullyrðingum um fólk, miður fallegum fullyrðingum, bara vegna þess að viðkomandi manneskja er fræg eða rík.  Þetta virðist vera sérstaklega algengt þegar hún Britney mín á í hlut.

Ríkt og frægt fólk verður líka óhamingjusamt, á í vandræðum með áfengi, skilur við maka sína, verður þunglynt, o.s.frv., alveg eins og við hin sem erum hvorki fræg né rík.  Það er ekkert sjálfsagt eða allt í lagi að hneykslast á ríka og fræga fólkinu og sýna því fyrirlitningu af þeirri einu ástæðu að það er ríkt og/eða frægt.  Fólk ætti að líta í eigin barm, þó það sé hvorki frægt né ríkt.  Hversu mörg okkar hafa drukkið áfengi fyrir framan börnin okkar?  Hafið þið komið á Þjóðhátíð í Vestmannaeyjum?  Ég bara spyr ...

Og munið líka að slúðurblöðin eru einmitt það sem fest í nafninu, Slúðurblöð.  Ef þú trúir öllu því sem er skrifað um Britney Spears skaltu taka létt veruleika-check á sjálfum þér.

Britney á skilið að fá samúð okkar okkar allra, alveg eins og einstæða móðirin í Vesturbænum sem skildi við manninn sinn (sem vel að merkja fór illa með hana) og er að gera sitt besta til að ala upp yndislegu börnin tvö.  Hún er einmana og á það til að fá sér í glas til að reyna að deyfa sársaukann.  Hún er óörugg með sjálfa sig og finnst bara vera svartnætti framundan.  Hún er hvorki fræg né rík, en líður alveg jafn illa og Britney, og Britney líður alveg jafn illa og henni.  Hafið það í huga.

Ég mun alltaf taka upp hanskann fyrir Britney Spears, því hún er frábær skemmtikraftur og einn af mínum uppáhalds tónlistarmönnum.  Alveg satt.  Lög eins og Hit me baby one more time, I´m not a girl, not yet a woman, Oops I did it again, Lucky, og fleiri góð lög leikin á gítar með undirsöng partístuðara landsins, hafa gert gríðarlega góða hluti á síðustu árum og glatt mörg lítil hjörtu.

Við Britney mína vil ég segja (þó hún heyri það auðvitað ekki héðan af blogginu):  Stattu þig stelpa.  Ég skal alltaf senda þér jákvæða strauma og verja þig þegar á þarf að halda.  Þú ert örugglega frábær manneskja, dugleg og hæfileikarík.  Ég veit líka að þú ert góð mamma og elskar börnin þín út af lífinu, eins og aðrar mömmur.  Reyndu að vera hamingjusöm og sjá það jákvæða í öllu.

Við einstæðu móðurina í vesturbænum vil ég segja:  Stattu þig stelpa.  Ég skal alltaf senda þér jákvæða strauma og verja þig þegar á þarf að halda.  Þú ert örugglega frábær manneskja, dugleg og hæfileikarík.  Ég veit líka að þú ert góð mamma og elskar börnin þín út af lífinu, eins og aðrar mömmur.  Reyndu að vera hamingjusöm og sjá það jákvæða í öllu.

Þegar öllu er á botninn hvolft eru þær nákvæmlega eins.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is