Grétar Mar Jónsson alþingismaður telur fjárveitingar í Bakkafjöru vanáætlaðar:

16.Ágúst'07 | 09:52

Bakkaferja Samgöngur

Grétar Mar Jónsson alþingismaður óttast að hafnargerð í Bakkafjöru verði nýtt Grímseyjarferjuævintýri. Mikil hætta sé á því að fjárveitingar séu vanáætlaðar og að hafnargerðin kosti tvöfalt og jafnvel þrefalt meira þegar upp verður staðið.

Grétar bendir á að 300 metrum fyrir utan væntanlegan hafnargarð sé rif og því þurfi hafnargarðurinn að ná út fyrir rifið til að höfnin verði nothæf. Búast megi við að straumur beri sand inn í höfnina og honum þurfi að dæla burt. Enginn viti hve mikið það verði. „Taka þarf með í reikninginn að fara þarf í eitt mesta landgræðsluverkefni sem sögur fara af því svo mikill sandbylur er þarna á landi. Þá þarf að gera nýja brú til að koma grjóti niður á sandana og bæta veginn frá Bakka upp á Suðurlandsveg," segir hann. Grétar bendir á að enginn tímasparnaður verði við ferðalög þótt höfn rísi í Bakkafjöru. Breytingin felist í því að ferðamenn verði hálftíma á sjó og aki sjálfir til Reykjavíkur í stað þess að sigla í tvo tíma til Þorlákshafnar. Grétar leggur til að annaðhvort
verði keypt stærri og hraðskreiðari ferja milli Vestmannaeyja og Þorlákshafnar eða tvær minni ferjur
verði keyptar fyrir þessa leið. Þannig væri auðvelt að fjölga eða fækka ferðum eftir þörfum.

 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.