Ian Jeffs leikmaður 15. umferðar að mati Fótbolta.net

13.Ágúst'07 | 19:01
Ian Jeffs átti stórleik á miðjunni hjá ÍBV þegar að liðið sigraði Stjörnuna 4-2 í fyrstu deildinni á föstudaginn. Jeffs skoraði meðal annars tvívegis í leiknum og fyrir góða frammistöðu hefur hann hlotið nafnbótina leikmaður 15.umferðar á Fótbolta.net.
Ian Jeffs:
Ian Jeffs er 25 ára gamall Englendingur sem gekk í raðir ÍBV frá Crewe Alexandra á Englandi fyrir tímabilið 2003. Hann lék hér á landi við góðan orðstýr 2003, 2004 og 2005 en hélt eftir það til Svíþjóðar þar sem hann gekk í raðir Örebro. Á fyrsta ári hjá Örebro tryggði liðið sér sæti í efstu deild í Svíþjóð og Jeffs var lykilmaður í liðinu. Hann náði ekki að vinna sér sæti í liðinu fyrir þessa leiktíð og fór því á láni til ÍBV út leiktíðina. Hann hefur spilað 48 leiki í Landsbankadeild með ÍBV og skorað í þeim 8 mörk auk 6 leikja í VISA-bikarnum.
„Mér fannst ég byrja leikinn mjög rólega og ég var ekki inni í leiknum fyrstu 20-25 mínúturnar en ég var ánægður með frammistöðuna eftir það,“ sagði Jeffs við Fótbolta.net í dag.

 Jeffs skoraði tvívegis fyrir Eyjamenn og kom liðinu meðal annars í 3-2 með marki úr vítaspyrnu.

„Fyrra markið kom úr aukaspyrnu, ég sá glufu í veggnum og ákvað að reyna og hitti boltann fullkomlega þannig að hann fór inn. Síðara markið kom úr vítaspyrnu sem var nokkuð mikilvægt, staðan var 2-2 og það var mikilvægt að skora.“

Eyjamenn eru í fimmta sæti deildarinnar, fjórum stigum á eftir Fjölni sem eru í þriðja sætinu en þrjú efstu liðin fara upp í Landsbankadeildina.

 „Þetta var mjög mikilvægur leikur, við urðum að vinna og ekkert annað ef við ætluðum að halda í vonina að fara upp,“ sagði Jeffs um leikinn á móti Stjörnunni en hann telur möguleika Eyjamanna á að fara upp vera fína. „

Ég held að við eigum góðan möguleika, öll toppliðin eiga eftir að spila gegn hvor öðru. Við verðum bara að gera betur gegn toppliðunum og halda áfram að vinna. Í næstu fjórum leikjum verðum við að reyna að ná eins mörgum stigum og við getum og síðan mættum við þremur efstu liðunum í þremur síðustu umferðunum og við munum sjá hvernig það fer.

Jeffs kom til ÍBV á láni frá Örebro í Svíþjóð í júlí og er hann nokkuð sáttur við spilamennsku sína hingað til í sumar.

„Ég er nokkuð ánægður, eftir að ég kom aftur finnst mér við hafa spilað nokkuð vel. Mér fannst við byrja síðari hluta tímabilsins mun betur en þann fyrri. Ég er nokkuð ánægður með spilamennsku mína og liðið virðist líka vera að spila vel sem stendur.“

Þessi knái Englendingur verður hjá ÍBV út tímabilið en hann veit ekki hvernig framhaldið verður eftir það. „Ég hef ekki hugmynd. Ég er samningsbundinn Örebro í eitt ár og við munum sjá hvað gerist á næstu mánuðum,“ sagði Ian Jeffs leikmaður 15.umferðar í 1.deildinni að lokum við Fótbolta.net.

Hér er hægt að sjá fleirri sem hafa verið valdir maður umferðarinnar t.d. er hægt að lesa um Atla Heimisson ÍBV hér, en hann var valinn maður 13 umferðar af fótbolti.net

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.