Huginn VE á tilraunaveiðum á makríl

13.Ágúst'07 | 10:29

Huginn VE

Uppsjávarskipið Huginn VE frá Vestmannaeyjum hélt í síðustu viku á tilraunaveiðar á makríl við sunnanvert landið og eru sérfræðingar frá Hafrannsóknastofnun með í för. Ætlunin er að kanna hvort makríl sé þar að finna í einhverju verulegu magni. Útgerð Hugins átti frumkvæði að leiðangrinum. Frá þessu er skýrt í nýjustu Fiskifréttum.

Óvenjumikið af makríl hefur veiðst með norsk-íslensku síldinni í sumar fyrir austan land innan íslensku lögsögunnar. Hlutur makríls í afla síldarskipanna hefur verið frá 50% og upp í 70-80%. Það segir sína sögu, að það sem af er árinu hafa íslensk skip veitt 23 þúsund tonn af makríl, þar af tæp 18 þúsund tonn í júlímánuði einum. Til samanburðar má nefna að allt árið í fyrra lönduðu íslensk skip 4.200 tonnum af makríl, á árinu 2005 nam makrílaflinn aðeins 363 tonnum og árið 2004 var enginn makríll skráður í löndunarskýrslur Fiskistofu.

Makríllinn er verðmætasti uppsjávarfiskurinn ef hægt er að vinna hann til manneldis og fæst þá stundum ævintýralega hátt verð fyrir hráefnið. Sumarið er hins vegar ekki heppilegasti tíminn til þess og því hefur allur makríllinn farið í bræðslu að undanförnu.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).