Bakkafjara

12.Ágúst'07 | 16:03
Jæja nú er kominn tími til að tjá sig eða ég þarf bara að koma þessu frá mér á einhvern hátt. Ég vona að ég hafi rangt fyrir mér og að allt verð yndislegt þegar Bakkafjara er tilbúin en ég er mjög hræddur um að svo verði ekki.

Ég hef ekki vit á tæknilegri útfærslu en það hafa margir tjáð sig um að þetta sé ekki góður kostur að hafa höfn þarna og eru ýmsar ástæður nefndar eins og öldugangur, sandfok o.f.l ég sá þetta Myndband og fannst það mjög áhugavert en endilega lítið á það og myndið ykkar eigin skoðun. Ég veit ekki hver tók þetta en það var víst verið að skoða hugsanlegan stað fyrir höfnina á bakka. Ég setti þetta á Youtube og ég vona að eigandi myndbandsins kæri mig ekki en hann má gjarnan hafa samband við mig ef að hann er ósáttur við þetta. Ég ætla ekki að tjá mig meira um þetta og ætla að gera ráð fyrir að þetta sé mögulegt og að ekkert mál verði að sigla þarna á milli. 

Af hverju ekki Bakkafjara.

Ekki styttri ferðartími.
Það tekur 1,5 til 2 tíma eða meira eftir umferð o.f.l að keyra á Bakka þannig að þú þarft að vera tímalega til að gera ráð fyrir töfum á leiðinni. Þannig að segjum 2 tímar sem er mjög rausætt en ekki rúmlegt og svo 30 mínúta sigling. 2,5 tímar. Það væri gaman að fá útreikninga frá þeim sem eru vanir að keyra þetta og hvort þeir telji að þetta verði styttra.

Það verða færri störf til í Eyjum.
Það mun ekki verða neinir klefar og engin veitingasala um borð sem þýðir að allt það starfsfólk sem vinnur um borð við þetta í dag missir vinnuna. Auðvitað græða sjoppurnar á leiðinni í staðinn í staðinn.

Það verður dýrara að ferðast Eyjar - Reykjavík
Rútan
http://www.bsi.is/prices/thingvallaleid.htm
Hella             94 km Verð.  2.000
Þorlákshöfn
   51 km Verð. 1.050
Eigum við að segja að verðið verði 2200 á bakka ? Það er ólíklegt að gjaldskráin verði lækkuð en gefum okkur að verðið verði það sama. Það mun kosta meira bensín að keyra þessa leið þannig að kostnaðurinn verður meiri.

Flutningskostnaður á vörum verður meiri.
Flestar vörur til Eyja koma frá Reykjavík og þarf þá að keyra þær með flutningabílum að bakka. Lengri akstur = hærra verð.

Sjóveiki.
Sumir hafa komið með þau rök að það að stytta ferðina komi veg fyrir sjóveiki. Þetta er ekki rétt. Ég er með börn og við förum yfirleitt með Herjólfi. Ef börnin verða sjóveik þá verða þau það líka á fyrsta hálftímanum og er þá miklu betra að vera búinn að koma sér fyrir í klefa þar sem þú getur reynt að svæfa börnin og fylgjast með þeim. Það verða engir klefar í nýju Bakkafjöruskipi og verður sjóveikin því mun sýnilegri.

Ófært á veturna.
Ég ætla að gera ráð fyrir að báturinn fari alltaf þrátt fyrir miklar efasemdir hjá mörgum um að það verði hægt að fara í vondum veðrum. En það sem þarf að taka í reikninginn er hálka og blindbylur fyrir bíla. Þrengslin eru mun oftar fær en Heiðin og mikið um bílslys á heiðinni.

Ófært með flugi ég skrepp bara í Herjólf.
Hver sem ferðast til Eyja hefur lent í því að vera látinn hanga upp á flugvelli í Reykjavík þar til að flugi er aflýst eða alltaf rétt eftir að Herjólfur er farinn. Ég hef oft þegar þessi staða kemur upp skotist til Þorlákshafnar og tekið Herjólf fyrirvarinn þarf að vera töluvert lengri til að keyra á Bakka.

Bakkaflug.
Í dag er tenging með tveimur flugfélögum til Eyja frá Bakka þannig að tengingin við Suðurland sem Bakkafjara á að vera er til staðar í dag. Ef að fólk nennir ekki að keyra á bakka í dag til þess að fljúga í 5 mínútur af hverju ætti það að nenna að keyra þangað til að fara í bát í 30 mínútur ? Reyndar verður þetta gott fyrir viðskiptin hjá Bakkaflugi eða kannski ekki þarna er kominn bátur niðurgreiddur af ríkinu á sama stað og flugfélögin. Kannski fækkar störfum í Eyjum þá meira.

Fjöldi ferða.
Það er engin trygging fyrir því hvað verða farnar margar ferðir á dag frá Bakkafjöru og það er ljóst að það verður minni bátur sem mun fara á milli en þessi sem er notaður í dag.

Þorlákshöfn góður kostur.
Það virðist vera mikill uppgangur í Þorlákshöfn um þessar mundir og hefur örugglega tenging við höfuðborgina eitthvað að segja þar. Það er verið að gera flottasta golfvöll á landinu þarna sem margir ferðamenn munu fara á og væri hægt að lengja golftúrinn til Eyja. Það er verið að setja á fót stóra vatnsverksmiðju og eitthvað tal hefur verið um álgarð. Það þarf að laga höfnina í Þorlákshöfn á því er enginn vafi en er sá kostnaður jafn mikill og að byggja bakkafjöru og verður kannski bara að gera bæði.

Dýr tilraun.
Ég vona að ég hafi rangt fyrir mér með þetta og að þegar Bakkafjara kemur þá munu samgöngur til Eyja verða miklu betri og ferðamönnum fjölga og Eyjan blómstra. Manni þykir alltaf vænt um Vestmannaeyjar og reyni ég að fara þangað eins oft og ég get. Bakkafjara er mjög dýr og á eftir að taka langan tíma og sé ég ekki að ríkið muni gera eitthvað í nýju skipi þar til Bakkafjara er tilbúin og þá kemur bátur með henni. Hvað ef þessi tilraun gengur ekki upp og samgöngur til og frá Eyjum verða verri. Getum við hætt við og farið aftur að sigla til Þorlákshafnar ?

Hvað er til ráða.
Ég held að allir geti verið sammála um það að það þarf nýtt skip. Herjólfur er að verða 16 ára held ég og á að skipta um skip á lágmark 7 ára fresti. það er pottþétt hægt að fá hraðskreiðara og betra skip sem myndi sigla áfram á Þorlákshöfn. Fyrir afganginn af bakkafjörupeningnum væri hægt að gera þurrkví sem yrði lyftistöng fyrir Eyjar og þarf að halda þeirri umræðu áfram á lofti.


Endilega koma með komment þið sem eruð með bakkafjöru og þá hvaða kosti það hefur að gera hana. Í dag sé ég engan kost við hana en það gæti breyst. Koma þá líka með rök en ekki af því bara.

Siggi Vídó bloggar hér

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is