Atvinnuhugmyndir byrjaðar að detta inn á spjallið

12.Ágúst'07 | 09:45
Nokkrar athyglisverðar atvinnuhugmyndir eru komnar inn á www.eyjar.net/spjall og hefur t.d. ein borist frá aðila sem hefur enginn tengsl við Eyjarnar fögru og hann koma bara með dúndur hugmynd sem ferðaþjónustuaðilar ættu að skoða. Hérna eru þær hugmyndir sem hafa birst.

Ljósmyndaferðir til Eyja:

Nú er ég ekki eyjabúi en hef mikið verið að skoða ljósmyndir sem teknar hafa verið í Vestmannaeyjum og verð ég að segja að þetta er hreinlega gullnáma fyrir ljósmyndara sem og áhugaljósmyndara.

Hefur enginn pælt í því að gera eitthvað concept í kringum það að bjóða uppá ljósmyndaferðir til Vestmanneyja.

Vestmanneyjar er eitt af flottustu svæðum íslands og auðvitað ætti að auglýsa það. Hægt væri að bjóða ljósmyndurum uppá t.d. helgi í eyjum þar sem farið væri með þá um eyjuna með það að leiðarljósi að taka myndir og fanga þá dýrð sem vestmanneyjar hafa uppá að bjóða.

Held að það væri alveg klárt mál að margir erlendir ljósmyndarar sem og innlendir myndu stökkva á það tækifæri að hafa guide sem gæti sýnt þeim gullmola eyjanna.

Heilsuhæli:

Fyrir nokkrum árum heyrði ég eina hugmynd sem ég hef ekki getað gleymt og finnst mjög góð. Það er að stofna "heilsuhæli" (finna eitthvað betra nafn).

Að byggt yrði stórt hús sem myndi taka við stórum hópum, þar sem öll aðstaða yrði til staðar s.s. líkamsræktarsalur, eldhúsaðstaða með matsal og fundarherbergi.

Ég sé svo fyrir mér að tekið yrði við ákveðnum hópum s.s. offitusjúklingum. Þeir kæmu hingað í mánaðarprógram þar sem takmarkið væri að létta sig og kynnast nýjum lífsháttum. Einkaþjálfarar sæju um líkamsræktina, næringarfræðingur og kokkur um matinn, færu í tíma hjá sálfræðingi og félagsráðgjafar yrði á svæðinu o.s.frv.

Farið yrði í sund og gönguferðir (ekki til betri staður fyrir gönguferðir), og einnig væri hægt að gera eitthvað skemmtilegt s.s. úteyjarferð, bátsferð o.s.frv.

Auk þess væri hægt að hafa t.d. dekurhópa, almenna hópa (þ.e. einstaklinga sem vilja léttast)...

Þarna væri hægt að skaffa vinnu fyrir fullt af fólki (líka menntuðu): Næringarfræðing, einkaþjálfara, kokk, sálfræðing, félagsráðgjafa, sjúkraþjálfara, markaðsfræðing, viðskiptafræðing auk annars sttarfsfólks.

Deluxe Lunda VIP Ferðir

Það sem að ég hef stundum velt fyrir mér af hverju Eyjamenn bjóða ekki upp á takmarkað magn af VIP úteyjarferðum í að veiða lunda. Markhópurinn væri ríkir viðskiptamenn með ævintýraþrá, verðið væri himinhátt enda vill enginn fylla úteyjarnar af einhverjum ferðamönnum. Nú heyrir maður alltaf tröllasögur af því þegar fólk fer í laxveiði og greiðir svimandi háar upphæðir fyrir það og ekki er það nú meira spennandi heldur en sigla út í eyju, veiða lunda og gista í veiðikofa í góðra vina hópi, það er priceless Very Happy

Held að væri eitthvað sem að ævintýragjarnir úteyjarmenn ættu að skoða
Hægt væri að búa til margar týpur af pökkum sem gætu innihaldið t.d. sjávarréttarveislu frá Grím Kokki ofl.

Allaveganna ef að einhverjir frægir mundu koma og borga stórfjár fyrir þá fengu Vestmannaeyjar massíva umfjöllun í blöðum erlendis þar sem að þetta myndi þykja nokkuð framandi og exclusive.

Ég býð allaveganna fram hjálp mína við t.d. við hugmyndafræði/markaðssetingu ef að einhverjir leggja út í þetta.

Hægt er að lesa comment frá öðrum með því að fara hér inn,  einnig hvetjum við fólk til að skrá sig og koma með hugmyndir og taka þátt í þeirri umræðu sem myndast. Skráning á spjallborðið er opinn öllum þeim sem hafa áhuga á Vestmannaeyjum.

 

 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is