1 deild: Glæsilegur sigur á Stjörnunni!

10.Ágúst'07 | 21:03

Atli Heimis ÍBV Fótbolti

Strákarnir sigruðu Stjörnumenn í kvöld í sannkölluðum markaleik. Mörkin létu þó lengi á sér kræla en þegar um hálftími var til leiksloka þá brast stíflan og hvert markið á fætur öðru leit dagsins ljós.

Stjörnumenn komust þá yfir með marki úr vítaspyrnu á 59. mínútu en síðan hófst líklegast einhver ótrúlegasti kafli í sögu íslensks knattspyrnuleiks. Jeffsie jafnaði metin á 63. mínútu, Stjarnan komst aftur yfir á 64. mínútu en Atli Heimis jafnaði aftur fyrir Eyjamenn og það á 65. mínútu! Fjögur á sex mínútum og þrjú mörk á þremur mínútum! Það hlýtur að vera Íslandsmet ef ekki heimsmet. Það var svo Jeffsie sem koma Eyjamönnum yfir á 77. mínútu og það fór svo vel á því að leikmaðurinn sem var í leikmannakynningu hér á síðunni í dag, Arnór Eyvar Ólafsson, skoraði fjórða og síðasta mark leiksins. Ekki oft sem Arnór skorar og menn segja líklegast núna með hann eins og þegar Gary Neville skorar: ,,hann af öllum mönnum." en frábært hjá drengnum og strákunum sem sýndu með þessum úrslitum að þeir eru síður en svo hættir í baráttunni.

Eyjapeyjar komust með þessu uppí fjórða sæti deildarinnar með 26 stig, aðeins einu stigi á eftir Fjölni sem sigraði Leikni á útivelli í kvöld 0-2. Fjölnir er því með 27 stig en á þó leik til góða.

Til hamingju með glæsilegan sigur strákar ! 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is