Þjóðhátíð í eyjum 2007

7.Ágúst'07 | 11:19

Þjóðhátíð VKB

Þá er einni stærstu og veðursælustu þjóðhátíð lokið, veðrið lék við hvern sinn fingur og aðstæður í Herjólfsdal eins og þær gerast bestar. Umgjörðin sem að þjóðhátíðarnefnd og hennar sjálfboðaliðar hafa skapað í kringum þessa hátíð er mögnuð og er umgjörðin eitt af því sem gerir þjóðhátíðina vinsælustu útihátíð á Íslandi ár eftir ár.

Yfir 10.00 gestir
Líklega hefur gestafjöldinn í Herjólfsdal í ár verið um og yfir 10.000 enda var ferðum bætt við hjá Herjólfi og sigldi hann tvær næturferðir fyrir hátíðina. Flugfélag Vestmannaeyja hefur aldrei flutt eins mikið magn farþega til eyja og frá eyjum. Flugfélag Íslands byrjaði aftur eftir nokkurra ára hlé að fljúga með áætlunarflug til eyja yfir þjóðhátíðina. Á síðasta ári var Landsflug sem flaug með þjóðhátíðargesti frá Reykjavík til eyja, Landsflug hafði að skipa minni vélum en flugfélagið og því fleiri lendingar á síðasta ári en hjá Flugfélaginu í ár. En mikil og góð breytingar er að fá Flugfélag Íslands sem þátttakenda að þjóðhátíðinni.

Til fyrirmyndar.
Það er eðlilegt að þegar 10.000 manns koma saman til að skemmta sér á þjóðhátíð að eitthvað fari úrskeiðis, en á þessari fjölmennu þjóðhátíð mætti segja að fátt hafi klikkað. Það má segja að langflestir þjóðhátíðargesta hafi verið sér og þjóðhátíðinni til sóma. Umgegni var góð um dalinn og sú nýlunda að hafa dósa og rusla gáma á meira áberandi stöðum og fleiri er breyting til batnaðar. Klósett aðstaðan í Herjólfsdal var hrein og fín þau skipti sem undirritaður þurfti að beina viðskiptum sínum þangað. Kannski mætti segja að fjöldi salerna er ekki mikill miðað við 10.000 gesti og má auðveldlega bæta.
En það sem undirritaður er hvað ánægðastur með þessa hátíðina er sú staðreynd að þjóðhátíðaðgestir eru mættir í dalinn til að skemmta sér og hafa gaman af lífinu. Lítið var um pústra milli manna og fíkniefnamál voru fá að þessu sinni.
Karlahópur feminista stóð fyrir áróðri gegn nauðgunum og hefur það greinilega skilað sínu. Engin kæra eða nauðgunarmál komu upp hjá lögreglu og er það mikið fagnaðarefni.

Þjóðhátíð 2008
Þeim á eftir að fjölga sem langar að mæta á þjóðhátíð á árinu 2008 en það sem hamlar þjóðhátíðinni hvað mest eru samgöngur til eyja. Við getum ekki sætt okkur við það að þjóðhátíðargestir þurfi að koma á miðvikudegi og fara á þriðjudegi eftir þjóðhátíð. Samgöngurnar eru að vandamál sem þarf að leysa til þess að þjóðhátíðin haldi áfram að dafna. 

Kjartan Vídó

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.