Önnur árásarkvennanna yfirheyrð í Eyjum

3.Ágúst'07 | 13:06
Búið er að yfirheyra aðra konuna sem réðst á 28 ára gamla konu fyrir utan skemmtistaðinn Sólon síðastliðna helgi. Konan var kölluð til skýrslutöku í Eyjum í gær en sleppt að því loknu því ekki þótti ástæða til að handtaka hana vegna málsins. Konan sem ráðist var á hefur legið á spítala í fimm daga og gengist undir aðgerð á eyra. 
Tuttugu og átta ára kona varð fyrir hrottafenginni líkamsárás tveggja kvenna um tvítugt, í biðröð við skemmtistaðinn Sólon í miðborginni síðastliðið laugardagskvöld. Hún var dregin á hárinu eftir gangstéttinni, sparkað í hana og bitið var stórt stykki af eyra hennar. Konan var í biðröð fyrir utan skemmtistaðinn Sólon með vinkonu sinni og frænku. Önnur árásarkvennanna kastaði bjórflösku í frænku konunnar. Þegar konan gerði athugasemd við það, var ráðist á hana. Konan þurfti að gangast undir aðgerð á eyra og hefur legið á spítala í fimm daga. Sigurbjörn Víðir Eggertsson aðstoðaryfirlögregluþjónn á höfuðborgarsvæðinu segir að árásárkonurnar tvær hafi farið til Eyja fyrir helgina. Lögreglan í Eyjum yfirheyrði aðra þeirra í gær en henni var svo sleppt að því loknu. Óvíst er hvort hin verði yfirheyrð í Eyjum en Sigurbjörn segir að hún verði þá yfirheyrð strax eftir helgi. Hann segir að ekki hafi þótt ástæða til að handtaka konurnar í Eyjum og flytja þær til Reykjavíkur vegna málsins. Enn standi yfir rannsókn og búið sé að ná til allra vitna og þeirra sem koma að málinu.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.