Þjóðhátíðargestir byrjaðir að streyma til eyja.

Hjá Hannesi Kristni Sigurðssyni hjá Flugfélagi Íslands fengust þær upplýsingar að um 1000 farþegar eiga bókað til eyja frá deginum í dag og fram á sunnudag og á mánudaginn er stefnt að því að koma þeim fjölda heim á ný.
Á morgun verða fjórar vélar, tíu vélar á föstudag, tvær á laugardag og fjórar vélar á sunnudag. Örfá sæti eru laus til eyja á föstudag og sunnudag en upp pantað er frá eyjum á mánudag.
Þegar örtröðin verður sem mest hjá starfsmönnum Flugfélagsins þá má gera ráð fyrir því að fimmtán mínútur verði milli véla en að meðaltali á föstudaginn kemur vél á klukkutímafresti. Hannes Kristinn sagðist vera með einvalalið af hraustum peyjum á þessari þjóðhátíð í vinnu og væri þeir með sjö til átta starfsmenn eftir umferð flugvéla.