Vegna ófærðar til og frá Eyjum í dag hefur leik ÍBV og KA í Olísdeild karla sem fara átti fram á morgun, sunnudag verið frestað. Þetta kemur fram í tilkynningu frá Handknattleikssambandinu.

Leiðindaveður er nú Eyjum sem hófst um hádegisbil í gær. Herjólfur náði að fara eina ferð í Landeyjahöfn í gærmorgun en sigldi síðdegis til Þorlákshafnar. Ferðin heim tók á fimmta klukkutíma vegna veðurs og sjólags.