Vinnsla um Þjóðhátíðarhelgi í fyrsta sinn í áratugi

31.Júlí'20 | 17:54
vinnslo_logo_breki

Ljósmynd/TMS

Starfsfólk Vinnslustöðvarinnar fékk áletraða, skreytta og ljúffenga köku með morgunkaffinu í dag. Á henni stóð: Takk fyrir mig. Það er heiti Þjóðhátíðarlagsins 2020 eftir Ingó Veðurguð. Lagið er gott og grípandi, gefið út þótt engin sé samkoman í Herjólfsdal.

Starfsfólkið smakkaði þannig á Þjóðhátíð í orðsins fyllstu merkingu og verður að láta duga í ár að borða kökuna og hlusta á lag Veðurguðsins, segir í frétt á vef Vinnslustöðvarinnar.

Í fyrramálið, laugardag 1. ágúst kl. 7:30, verður blásið til vinnu í uppsjávarvinnslunni þegar Ísleifur VE kemur úr Smugunni með þúsund tonn af makríl. Von er á Kap VE í framhaldinu og enn meiri vinnu.

Þjóðhátíðargleðin hefur gengið fyrir

Þjóðhátíðargleðin hefur gengið fyrir vinnu um þessa helgi undanfarin ár og áratugi. Unnið er í botnfiskvinnslunni í dag, föstudag, eins og venjulega, og svo verður sem sagt tekið til við makrílinn í fyrramálið.

Engin dæmi eru um vinnu í VSV á laugardegi um Þjóðhátíðarhelgi það sem af er 21. öldinni. Reyndar hefur ekki tekist að finna nógu langminnuga menn sem geta sagt hvenær slíkt hafi yfirleitt gerst síðast í fyrirtækinu á öldinni sem leið!

Ekkert hráefni hefur verið til að vinna úr í uppsjávarhúsinu frá því á laugardaginn var. Þá var lokið við makríl sem veiddist í íslenskri lögsögu. Skipin fóru þá norður í Smugu til veiða og nú er væntanlegur makríll af þessu alþjóðlega hafsvæði.

Hertar smitvarnir í VSV

Bakslag í baráttunni við COVID-veiruna skæðu hefur strax áhrif í Vinnslustöðinni og tilteknar ráðstafanir eru gerðar af því tilefni. Lilja Björg Arngrímsdóttir, sviðsstjóri mannauðs- og lögfræðisviðs, er sem fyrr í forystu teymis í VSV sem stýrir smitvarnaaðgerðum í fyrirtækinu:

„Starfsemin í Vinnslustöðinni er umfangsminni en var í vetur og margir í sumarfríi núna. Við kynntum starfsfólki strax að stjórnvöld landsins hefðu ákveðið að banna fleirum en 100 manns að koma saman og að tveggja metra fjarlægðarreglan væri orðin skylda á nýjan leik.

Erlendir starfsmenn sem koma að utan úr fríi verða að gangast undir smitpróf í heilsugæslunni hér og bíða eftir neikvæðri niðurstöðu áður en þeir koma til starfa.

Við höfum ekki sett á dagskrá að taka upp hópaskiptingu á vinnusvæðum eins og í vetur. Hins vegar er ákveðið að starfsmenn á vakt komi ekki til vinnu á sama tíma til að vera ekki margir í einu í fataskiptarýmum. Álagi í kaffistofu verður dreift líka af sömu ástæðum.

Við bjóðum þeim að nota andlitsgrímur sem vilja  en höfum sett þá reglu að iðnaðarmenn, sem fara milli deilda í fyrirtækja vinnu sinnar vegna við viðgerðir og viðhald, skuli bera grímur.

Aðalatriðið er að herða á smitvörnum hjá starfsfólkinu sjálfu og í fyrirtækinu yfirleitt. Þvo sér vel, spritta hendur, halda sig heima ef veikindaeinkenni af einhverju tagi gera vart við sig, láta þá vita af sér símleiðis og leita eftir að láta taka sýni til að rannsaka.

Við þurfum einfaldlega að rifja upp hvað við gerðum í vetur og tileinka okkur á nýjan leik umgengnisreglur og hugarfar sem virka vel og skila árangri.“

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).