790 milljónir vegna tafa og aukareiknings

- meginhluti viðbótarkostnaðarins rennur til Crist S.A. skipasmíðastöðvarinnar, samtals 532 milljónir króna

9.Nóvember'19 | 19:29
herj_nyr_innan_hafnar

Nýr Herjólfur hóf siglingar í sumar á milli lands og Eyja. Ljósmynd/TMS

Ríkið þarf að greiða 790 milljónir króna aukalega vegna nýs Herjólfs samkvæmt frumvarpi til fjáraukalaga sem var lagt fram á Alþingi í dag. Þar er lagt til að samþykkt verði aukafjárveiting vegna viðbótarkostnaðar við gerð skipsins.

Þetta kemur fram í frétt á vefsíðu Ríkisútvarpsins. Þar segir jafnframt að Herjólfur ohf. sem rekur nýju ferjuna fyrir hönd Vestmannaeyjabæjar fær um það bil þriðjung fjárhæðarinnar, 258 milljónir króna. Það er vegna ófyrirséðs kostnaðar sem hlaust af því að afhendingu Herjólfs seinkaði ítrekað.

Kostnaðurinn tengist því meðal annars að félagið varð að reka tvær ferjur á tímabili. Annars vegar gamla Herjólf sem sinnti siglingum milli lands og eyja mun lengur en ráð var fyrir gert, hins vegar nýja Herjólf. Meðan á þjálfun áhafnar og prófunum nýja skipsins stóð þurfti Herjólfur svo að halda áfram siglingum. Rekstrarkostnaður gamla Herjólfs er talsvert meiri en þess nýja.

Meginhluti viðbótarkostnaðarins rennur hins vegar til Crist S.A. skipasmíðastöðvarinnar, samtals 532 milljónir króna. Skipasmíðastöðin og Vegagerðin deildu um lokauppgjör. Pólverjarnir töldu sig eiga rétt á aukagreiðslu vegna breytingar sem gerð var á skipinu til að auka sjófærni. Vegagerðin taldi hins vegar að skipasmíðastöðin hefði heitið því verki án aukagreiðslu.

Þessu tengtKostnaður við smíði Herjólfs kominn yfir 4500 milljónir

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).