Bæjarfulltrúar Sjálfstæðisflokksins:

Gagnrýna vinnubrögð og framgöngu bæjarstjóra

um skipun í stjórn Herjólfs ohf.

14.Júní'19 | 15:22
trausti_njall

Trausti Hjaltason (D) og Njáll Ragnarsson (E) eiga báðir sæti í bæjarráði

Skipan stjórnar Herjólfs var rædd á fundi bæjarráðs í dag en fulltrúi Sjálfstæðisflokksins í bæjarráði óskaði eftir aukafundi í bæjarráði til þess að ræða efasemdir fulltrúa flokksins um lögmæti skipunar stjórnar Vestmannaeyjaferjunnar Herjólfs ohf.

Þ.e. annars vegar hvort bæjarstjóra hafi borið að skila inn umboði á aðalfund félagsins frá bæjarstjórn Vestmannaeyja og hins vegar að tillögur um stjórn, ráðstöfun hagnaðar og stjórnarlaun hafi ekki borist 5 dögum fyrir fund og ekki verið borin upp sérstök tillaga um að falla frá 5 daga reglunni.

Jóhann Pétursson, lögmaður kom á fund bæjarráðs og fór yfir umsögn sína um lögmæti skipunar stjórnar Herjólfs ohf. 

Niðurstaða meirihlutans að hin svokallaða 5 daga regla sé ekki skilyrði

Niðurstaða bæjarráðs er í samræmi við umsögn Jóhanns um að bæjarstjóri hafi haft skýrt umboð f.h. Vestmannaeyjabæjar til að mæta á aðalfund Herjólfs ohf. og taka ákvarðanir f.h. hluthafans eins og samþykktir félagsins gera ráð fyrir, án þess að leita eftir sérstöku skriflegu umboði bæjarstjórnar. Þá er það jafnframt niðurstaða bæjarráðs að hin svokallaða 5 daga regla sé ekki skilyrði hér, þar sem skylt er skv. lögum og samþykktum félagsins að taka fyrir á aðalfundi umrædd mál. Allra þessara mála var getið í dagskrá og fundarboði fyrir aðalfundinn og skýrt er í hutafélagalögum að aðalfundur geti ávallt afgreitt mál sem skylt er að taka til meðferðar skv. lögum. Eini hluthafi félagsins lagði fram fyrrgreindar tillögur og samþykkti þær. Fyrir liggur samþykki hluthafans fyrir þessari tilhögun á fundinum og fyrrgreindar tillögur rétt fram bornar og samþykktar. 

Tilefni er til að gleðjast þar sem nýr Herjólfur er væntanlegur til Vestmannaeyja á morgun. Undirbúningur móttökuathafnar gengur vel og samvinna Samgöngu- og sveitarstjórnarráðuneytisins, Vegagerðarinnar, Herjólfs ohf. og Vestmannaeyjabæjar um skipulagningu móttökunnar verið mjög góð.

Laugardagurinn 15. júní 2019 verður stór dagur fyrir Eyjamenn þegar ný ferja verður afhent heimamönnum. Um er að ræða mikla samgöngubót í Landeyjarhöfn fyrir Eyjamenn og landsmenn alla. Móttakan hefst kl. 14:15 á morgun og eru bæjarbúar og aðrir gestir hvattir til að koma niður á Friðarhöfn, gera sér glaðan dag og skoða ferjuna. 

Ofangreint var samþykkt með tveimur atkvæðum fulltrúa E-lista og H-lista, gegn einu atkvæði fulltrúa D-lista. 

Vilja að boðað verði til hluthafafundar eins fljótt og verða má

Í kjölfarið lagði fulltrúi Sjálfstæðisflokksins fram tillögu að niðurstöðu, þar sem segir að í ljósi þess að stjórnarmenn hafa gert alvarlegar athugasemdir við framkvæmd og lögmæti aðalfundar Herjólfs ohf. og vafi er talinn leika á því að skipun stjórnar félagsins sé lögmæt, er mikilvægt að bregðast við strax. 

Bæjarráð leggur til við bæjarstjóra að boðað verði til hluthafafundar eins fljótt og verða má og að stjórn verði skipuð eftir umfjöllun bæjarstjórnar til að eyða þeirri óvissu sem nú ríkir um skipan stjórnar. 

Var umrædd tillaga felld með tveimur atkvæðum E- og H-lista gegn einu atkvæði fulltrúa Sjálfstæðisflokksins. 
 

Segja vinnubrögð og framgöngu bæjarstóra til þess fallinn að skapa óvissu og skaði hagsmuni félagsins

Í kjölfar þessa lagði fulltrúi Sjálfstæðisflokksins fram af eftirfarandi bókun: 

Bæjarfulltrúar Sjálfstæðisflokksins hafa leitað umsagnar lögmanna um aðalfund Herjólfs ohf. Í framhaldi af því telja bæjarfulltrúar eftirfarandi ljóst:

  • 1. Aðalfundur Herjólfs sem haldinn var 31. maí sl. var ekki í samræmi við það vandaða verklag sem áskilið er við framkvæmd aðalfunda. Vinnubrögð og framganga bæjarstóra voru til þess fallinn að skapa óvissu og skaða hagsmuni félagsins. 
  • 2. Samkvæmt hlutafélagalögum og samþykktum Herjólfs ohf. ber að tilkynna skriflega tillögur þar með talin tillögu að skipun stjórnar skemmst fimm dögum fyrir hluthafafund, þetta var sérstaklega ítrekað í fundarboði hluthafafundar. Tillaga að stjórn var fyrst tilkynnt á aðalfundinum sjálfum, án vitneskju bæjarfulltrúa og stjórnarmanna. Þessi tímafrestur var því ekki virtur, sem dregur úr lögmæti fundarins og ákvörðunum hans. 
  • 3. Það er fullkomlega óeðlilegt og ólýðræðislegt að meirihluti bæjarstjórnar telji að samþykkis bæjarstjórnar þurfi t.d. við skipan skólanefndar framhaldsskólans í Vestmannaeyjum en það sama gildi ekki við skipan í stjórn opinbers hlutafélags sem er í fullri eigu Vestmannaeyjabæjar. Bæjarstjóri geti þannig hagað skipan í stjórn, ákvörðun þóknunar stjórnarmanna og stefnu stjórnar eftir fullkomnum geðþótta. Slík stjórnsýsla telst einræði og ætti ekki að líðast í því lýðræðissamfélagi sem við viljum tilheyra. 
  • 4. Þar sem fyrir liggur að framganga bæjarstjóra hefur valdið óvissu telja fulltrúar Sjálfstæðisflokksins mikilvægt að leitað verði formlegrar umsagnar Fyrirtækjaskrár RSK sem hefur eftirlit með hlutafélögum hér á landi skv. 152. gr. hlutafélagalaga nr. 2/1995. 
  • 5. Til að draga úr skaðanum vegna ofangreinds vinnulags, óska bæjarfulltrúar eftir því við fulltrúa sína í stjórn að þeir gæti áfram hagsmuna bæjarbúa á þann vandaða hátt sem þeir hafa gert hingað til þar til óvissu hefur verið eytt. 

Tillaga: Bæjarráð felur bæjarstjóra að leita formlegrar umsagnar Fyrirtækjaskrár RSK um hvort framkvæmd aðalfundar Herjólfs ohf. hafi verið í samræmi við lög, reglur og hefðir þar að lútandi. Að gefnu tilefni skal erindi bæjarstjóra til Fyrirtækjaskrár samþykkt af bæjarráði áður en það er sent. 

Tillagan var felld með tveimur atkvæðum fulltrúa E- og H-lista, gegn einu atkvæði fulltrúa D-lista.

Hér má lesa umsögn lögmanns sem lögð var fram á fundinum.

Eyjar.net óskaði einnig eftir umsögn þeirri sem minnihlutinn vísar til, en samkvæmt upplýsingum frá Vestmannaeyjabæ var hún ekki lögð fram formlega á fundinum.

     

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).