Samþykktu eigendastefnu Herjólfs ohf.

7.Desember'18 | 15:08
IMG_4933

Frá fundi bæjarstjórnar. Ljósmynd/TMS

Á fundi bæjarstjórnar Vestmannaeyja í gær var tekin fyrir eigendastefna Vestmannaeyjaferjunnar Herjólfs ohf. Stefnan var samþykkt með fjórum atkvæðum H-lista og E-lista. Bæjarfulltrúar D-lista sátu hjá. 

Í bókun frá minnihlutanum segir að bæjarfulltrúar Sjálfstæðisflokksins geti ekki samþykkt eigendastefnu Herjólfs ohf. að svo stöddu í ljósi nýrra upplýsinga. Ljóst þykir að ýmsir þættir í stefnunni orka tvímælis og geta hugsanlega verið í lagalegri óvissu. Bæjarfulltrúar telja eðlilegt að áður en stefnan verði samþykkt komi til fundar bæjarráðs amk. með stjórn Herjólfs ohf. Líkt og bókað var um á fundi bæjarráðs þann 17. október síðastliðinn og að skýra þurfi ýmsa hluti stefnunnar töluvert betur. Hér er ekki um tímaspursmál ræða og því nauðsynlegt og vel mögulegt að vanda málið verulega. Bæjarfulltrúar hafa ekki fengið nægilegan tíma til að fara yfir og breyta eigendastefnu sem fyrst er borin upp á fundinum og því eðlilegt að fresta málinu til næsta fundar. 

Lögðu fram frestunartillögu 

Bæjarfulltrúar Sjálfstæðisflokksins lögðu til að staðfestingu eigendastefnu Herjólfs ohf. verði frestað til næsta bæjarstjórnarfundar á grundvelli þess að breytingar á eigendastefnunni bárust bæjarfulltrúum ekki fyrr en á fundinum sjálfum og telja kjörnir fulltrúar eðlilegt að þeim gefist tækifæri á að kynna sér málið til hlítar.

Frestunartillagan var felld með fjórum atkvæðum H-lista og E-lista gegn þremur atkvæðum D-lista.

Tillaga um breytt orðalag í eigendastefnu

Tillaga um breytt orðalag eigendastefnu Vestmannaeyjarferjunnar Herjólfs ohf.

1. Lagt er til að í 2. kafla falli út setning sem hljóðar svo: “Ferðaþjónusta eða annar samkeppnisrekstur er ekki meðal verkefna Vestmannaeyjaferjunnar Herjólfs ohf.”

2. Lagt er til að upphaf 8. kafla falli út setning sem hljóðar svo: “8. Ákvarðanir sem hljóta skulu samþykki eigenda: Eftirfarandi ákvarðanir stjórnar skulu hljóta samþykki eigenda”. Í staðinn komi eftirfarandi orðalag: “ 8. Samráð við eiganda. Eftirfarandi ákvarðanir stjórnar skulu teknar að höfðu samráði við eiganda.”

3. Í 2. mgr. 8. kafla falli út setningin “viðkomandi skuldbinding lögð fyrir eigendur til samþykktar” og í staðinn komi “samráð haft við eiganda.”

4. Í 3. mgr. 8. kafla falli út úr síðustu setningunni orðin “og skulu því koma til kasta eiganda.”

2. kafli hljóðar svo með breytingu:

“2. Tilgangur og hlutverk: Kveðið er á um tilgang og hlutverk Vestmannaeyjaferjunnar Herjólfs ohf. í stofnsamþykkt félagsins dags. 19. maí 2018. Meginhlutverk hlutafélagsins er að annast rekstur ferjusiglinga á grundvelli þjónustusamnings Vegagerðar ríkisins og Vestmannaeyjabæjar, þar sem ákvæði gr. 2.8, um stofnun opinbers hlutafélags um rekstur ferjunnar, hefur verið nýtt. Með því yfirtekur hlutafélagið skyldur sveitarfélagsins samkvæmt samningnum. Fyrirtækið starfar samkvæmt hlutafélagalögum, sveitarstjórnarlögum, einkum kafla VII er varðar fjármál, sem og lögum og reglugerðum sem kveða á um starfsemi slíkrar ferju, svo sem Siglingalög, Hafnalög og lög um Landeyjahöfn. Starfsemi Vestmannaeyjaferjunnar Herjólfs ohf. takmarkast við samgöngur á sjó milli lands 1541. fundur Bæjarstjórnar Vestmannaeyja Vestmannaeyja 836 og Eyja. Fyrirtækið skal tryggja viðskiptavinum þjónustu á sanngjörnu verði.

8. kafli hljóðar svo m. breytingu:

“8. Samráð við eigenda: Eftirfarandi ákvarðanir stjórnar skulu teknar að höfðu samráði við eigenda: Nýjar skuldbindingar: Fari fjárhæð einstakra nýrra skuldbindinga Vestmanneyjaferjunnar Herjólfs ohf. yfir 10% af bókfærðu eigin fésamkvæmt síðasta ársreikningi eða árshlutareikning skal samráð haft við eiganda áður en til hennar er stofnað. Óvenjulegar og stefnumarkandi ákvarðanir ásamt áhættumati skal stjórn leggja fyrir eigendur til að gera eigendum kleift meta þær í samræmi við hlutverk sitt sem ábyrgðaraðila. Áform um breytt umfang og aðstæður fyrirtækisins, siglingatíma, gjaldskrá eða annarra atriða sem kveðið er á um í þjónustusamningi teljast til veigamikilla og stefnumarkandi ákvarðana.“

Njáll Ragnarsson lagði ofangreindar tillögur fram 

Breytingartillagan var samþykkt með fjórum atkvæðum H-lista og E-lista. Bæjarfulltrúar D-lista sátu hjá við afgreiðslu á þessari breytingartillögu.

Liður 3, Eigendastefna Vestmannaeyjaferjunnar Herjólfs ohf. var samþykktur með fjórum atkvæðum H-lista og E-lista. Bæjarfulltrúar D-lista sátu hjá. 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is