Útboð um dýpkun Landeyjahafnar:

Unnið að samningum við Björgun

9.Nóvember'18 | 14:17

Dýpkað í Landeyjahöfn. Mynd/úr safni

Fyrirtækið Björgun ehf. átti hagstæðasta tilboðið í dýpkun Landeyjahafnar og var tilboðið rúmlega 75% af kostnaðaráætlun Vegagerðarinnar. Tilboðið er til næstu þriggja ára. G. Pétur Matthíasson upplýsingafulltrúi Vegagerðarinnar staðfestir við Eyjar.net að unnið sé að samningum við Björgun. 

Sjá einnig: Með tilkomu nýrrar ferju þarf að sjálfsögðu ekki að dýpka eins mikið

Fram kom í svari Vegagerðarinnar í síðustu viku að skilyrðum í útboði til dýpkunar sé einkum skipt upp í tvennt, annars vegar verðinu sem gaf þá 65% og hins vegar tækjabúnaði sem verktakinn bauð og var þá horft á afkastagetu, stjórnhæfni skips, getu til að dýpka við mismunandi öldufar og dýpi og ýmsir fleiri þættir.

Sjá einnig: Björgun bauð lægst í dýpkun Landeyjahafnar

Telja að forsendur útboðs hafi engan veginn verið nægjanlega kröfuharðar af hálfu Vegagerðarinnar

Á bæjarstjórnarfundinum í gær var eftirfarandi bókun samþykkt varðandi dýpkun í Landeyjahöfn:

Bæjarstjórn ítrekar fyrri bókanir sínar og tekur undir bókanir bæjarráðs af fyrirhuguðum dýpkunarframkvæmdum í Landeyjahöfn. Timinn sem tekur að opna höfnina hverju sinni skiptir samfélagið afar miklu máli. Þess vegna skipta afköst dýpkunarbúnaðar miklu máli þann tíma sem færi gefst til dýpkunar. Bæjarstjórn telur að forsendur útboðs hafi engan veginn verið nægjanlega kröfuharðar af hálfu Vegagerðarinnar hvað þetta atriði varðar.

Bæjarstjórn hvetur þingmenn kjördæmisins til að beita sér í málinu og tryggja að samið verði við aðila sem býr yfir nægilega öflugum tækjakosti til að tryggja þær þarfir sem samgöngur við Vestmannaeyjar krefjast, segir í bókun bæjarstjórnar Vestmannaeyja sem samþykkt var samhljóða.

 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is