Sumardagurinn fyrsti á fimmtudaginn

- frítt í sundlaugina og frítt á öll söfn bæjarins í tilefni sumardagsins fyrsta

17.Apríl'18 | 11:28

Vestmannaeyjabær. Ljósmynd/TMS

Sumardagurinn fyrsti er á fimmtudaginn. Að venju er dagurinn haldinn hátíðlegur hér í Eyjum líkt og annarsstaðar. Ýmislegt er á dagkránni, meðal annars verður tilkynnt er um val á bæjarlistamanni Vestmannaeyja. Annars má sjá dagskrána hér að neðan.

Einarsstofa kl. 11.00

Skólalúðrasveitin leikur vel valin lög.

Sigurvegarar Stóru upplestrarkeppninnar, þau Herborg Sindradóttir, Sara Dröfn Ríkharðsdóttir og Jón Grétar Jónasson lesa ljóð sem þau völdu sjálf, eftir Þórarinn Eldjárn.

Tilkynnt um val á bæjarlistamanni Vestmannaeyja 2018.

Einarsstofa kl. 13.00

Nemendur Bjarteyjar Gylfadóttur í myndlistarvali Grunnskóla Vestmannaeyja í 8.-10. bekk sýna lokaverkefni sín í Einarsstofu 19. apríl – 3. maí. Sýningin mun opna sumardaginn fyrsta, þann 19. apríl, klukkan 13.00. Í lokaverkefnum velja nemendur sér viðfangsefni að eigin vali og læra að útfæra það á skapandi hátt.

Vestmannaeyjabær býður bæjarbúum frítt í sundlaugina og frítt á öll söfn bæjarins í tilefni sumardagsins fyrsta. Opið í Sagnheimum og Sæheimum frá 13.00-16.00 og í Eldheimum frá 13.00-17.00. Opið er í sundlauginni frá 09.00-17.00.

Vestmannaeyjabær óskar bæjarbúum gleðilegs sumars!