Njáll Ragnarsson skrifar:

Í upphafi kosningavors

17.Apríl'18 | 09:48
IMG_1200-001

Njáll Ragnarsson.

Nú þegar kosningavorið er að hefjast eru framboðin farin að setja sig í startholurnar. Það verður ekki annað sagt en að spennandi tímar séu framundan enda eru kosningarnar í vor ákaflega mikilvægar fyrir margar sakir.

Fyrir okkur sem tókum sæti á lista Eyjalistans var ákvörðunin um að vera með og gefa kost á okkur í raun ekki erfið. Við eigum það sameiginlegt að hafa brennandi áhuga á bæjarmálum og viljum stuðla að betra samfélagi í Vestmannaeyjum. Við höfum mismunandi bakgrunn og reynslu en viljum öll taka þátt í því að byggja upp betra samfélag þar sem allir hafa sitt að segja.

Við leggjum höfuð áherslu á það að skoðanir allra heyrist, við viljum að ákvarðanir séu teknar í sem mestri sátt við bæjarbúa og að faglega sé staðið að stjórnsýslunni þannig að tortryggni á stjórnun bæjarins gæti ekki meðal bæjarbúa. Fyrir þetta stöndum við. Við viljum aukið íbúalýðræði og bætta stjórnsýsluhætti. Það er nauðsynlegt, nú sem aldrei fyrr.

Við erum tilbúin í slaginn. Við erum tilbúin til þess að starfa í þágu allra bæjarbúa og við viljum sjá til þess að hlustað sé á allar raddir, óháð því hvar í flokki fólk kann að vera. Við bjóðum bæjarbúa velkomna með okkur í þá vinnu sem framundan er, bæði nú fyrir kosningar og næstu fjögur árin. Allar góðar hugmyndir þarf að ræða.

 

Njáll Ragnarsson.

 

Höfundur skipar 1.sæti á lista Eyjalistans í komandi sveitarstjórnarkosningum.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.