Dagbók lögreglunnar:

Fíkniefni og flugeldar

- meðal mála sem upp komu í liðinni viku

17.Apríl'18 | 16:35
logreglumenn

Lögreglan hafði í ýmis horn að líta í liðinni viku. Mynd/TMS

Það var í ýmsu að snúast hjá lögreglunni í Vestmannaeyjum síðastliðna viku. Einn ökumaður var stöðvaður vegna gruns um akstur undir áhrifum ávana- og fíkniefna í vikunni og við leit á honum fundust ætluð fíkniefni, að því er segir í dagbók lögreglunnar.

Reyndist hann vera með meðferðis smáræði af kókaíni, amfetamíni og maríhúana, auk þess var hann með lyf meðferðis.

Tvö önnur fíkniefnamál komu upp í vikunni en um var að ræða smáræði af maríhúana sem annars vegar fannst við leit á karlmanni á fimmtugsaldri og hins vegar efni sem fundust á víðavangi.

Að morgni 10. apríl sl. vöknuðu bæjarbúar við verið var að skjóta upp flugeldum á hafnarsvæðinu.  Ekki er vitað hver þarna var að verki en þeir sem hafa einhverjar upplýsingar um það eru vinsamlegast beðnir um að hafa samband við lögreglu.

Alls liggja fyrir 12 kærur vegna brota á umferðarlögum en um er að ræða akstur án ökuréttinda, brot gagnvart biðskyldu og ólöglega lagningu ökutækja.

Lögreglan vill enn og aftur minna á að sektir vegna brota á umferðarlögum hækka þann 1. maí nk, segir í vikuyfirliti lögreglunnar í Vestmannaeyjum.

Tags

Lögreglan

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.